كان يامكان في الأسبوع الماضي ،، حطيت لكم موضوع عن حفلة

كان يامكان في الأسبوع الماضي ،، حطيت لكم موضوع عن حفلة 1

كان يامكان في الأسبوع الماضي ،، حطيت لكم موضوع عن حفلة

 

كان يامكان في الأسبوع الماضي ،،
حطيت لكم موضوع عن حفلة في علبة،،العلبة الوردية،،
وذكرت لكم وش تحتوي عليه،،وبكم ،،
ومن وين،،وقعدت أمدحها لكم،،
تذكرون؟؟!!
المهم جتني وحدة من رفيقاتي بالدايركت وحطت لي وجه (فيس يصيح)،،حطيت لها علامات استفهام وتعجب،،إنه يعني ليش،،ما فيه شيء يصيح،،ماردت،،يوم جاء اليوم اللي بعده ،،اللي هو الأربعاء،،أرسلت لي إنه بالغلط،،جاوبتها؛
عادي ،،تحصل دائماً
ردت علي؛
إنه كان ذاك الوقت فيها نوم وعشان كذا حطيت لك الوجه اللي يصيح،،،ويوم شفت الاشعار اللي منك بس ما فتحته،،،نمت وحلمت إني قاعدة أشوف حساب بنتك (غين غين)وكنت أكلمك بالحلم وأقول لك ودي أذوقه بس حنا بغرب الرياض وبنتك كاتبه الشمال والشرق،،،وإنك جاوبتيني بالحلم أبد أرسل لك وأذوقك ،،
قلت لها؛
هذا بالضبط اللي تقوله أمي
حلوم أهل نجد أحاديث قلوبها،،
أبد من عيوني أرسل لك فدج وجرانولا بعد
بس ترى والله ما أدل بالغرب،،
علميني عن بيت أهلك أو أهلكم أو حدى خواتك بالشرق أو الشمال وبإذن الله يوصلك ظهر الأحد لأننا الآن نبي نمشي للدمام وأغراضنا والله
بالسيارة،،فبتواصل معك عشان تدلينا على مكان قريب أعرفه،،
قالت؛
لا ،،أمزح،،
قلت؛ أنتِ جايبه السالفة مزح بس أنا صادقة،،
أحب اللي يشجع بنتي ويتحمس أو يتشوق لمشروعها ،،
رحنا للشرقية وأنا أقول لبناتي ذكروني بقصة راعية الحلم واحجزوا لي من محصول يوم الأحد أنا بشتريه منكم علبة وعلبة،،،
جينا أمس والحمدلله،،
قمت الفجر لقيتها الله يسعدها مرسلة لي اسم وحدة تشتغل بمحل بحياة مول ورقم جوالها واسم محلها،،ورقم البوابة اللي ندخل منها،،وإنه ترى دوامها إلى الساعة خمس العصر،،،وتقول بعد إنها أرسلت مع الواسطة بيننا هدية لي وهدية لقشقوشة،،
ياربي،،،أنا الهدايا والله ما أبيهن،،،بس أخاف أردها وماتقبل هديتي،،بس والله ما أحب أحد يتكلف لي
أبداً أبداً أبداً
تابع

 

كان يامكان في الأسبوع الماضي ،، حطيت لكم موضوع عن حفلة 1




انتقل إلى أعلى