كان معمل النباتات الطبيه اليوم جميل اتعلمنا كيف نسوي شراب


Warning: Undefined variable $images_gallery in /home/611435.cloudwaysapps.com/kuqjuwqsge/public_html/wp-content/themes/astra-child/functions.php on line 46

كان معمل النباتات الطبيه اليوم جميل اتعلمنا كيف نسوي شراب

 

كان معمل النباتات الطبيه اليوم جميل
اتعلمنا كيف نسوي شراب طبي و منقوع زيتي
و معمل سابق اتعلمنا الفرق بين المشروب و المنقوع
و اتعلمنا كيف نسوي المراهم الصراحه اصور سناب و انسى احفظ الصور ع الاستديو عشان انزلها بالانستا و اهرج عنها بشكل مفصل! فالمهم بكتبلكم اليوم ايش سوينا بالمعمل هذا فقط (المراهم بهرج عنها لو حدها يوما ما)
اول شئ الشراب //
اللي يميز الشراب الطبي = طعمه الحلو☺لانو يحلونه بعسل او السكر سوينا بالمعمل شراب الكركديه (فوائده موجودة بقوقل)
-كركديه نتركه ينقع بموية مده 15 الى 30 د
-نصفيه المنقوع + و نحليه بملعقه عسل او سكر بني
– ونحطه ع النار و نقلب الين يمتزج العسل صح مع المنقوع – لما يبرد نحفظه بعبوة غطاها فليني (سداده) *مرا مهم الغطا يكون فليني ☺نسيت ليش بس الهرجه فيها عسل و رطوبه *
-مدة صلاحية الشراب سنه كامله لكن الافضل بعد 6 شهور يتخلص منه لانو قيمته الغذائيه تقل
>>> هرجه الصلاحيه اللي يبو يعملو كميات كبيرة و كده بتهم الامور دي☺ عكسنا بنعمل كوبايه و بنشربها بدون ما نحتاج للتخزين ☺☝ شوفو الموية اللي لونها احمر بالصورة هيا منقوع الكركديه
مرا لونها يجننن قرمزي ❤

 

الموضوع منقول



انتقل إلى أعلى