كاثرينز كوكيز جدة

كاثرينز كوكيز جدة 1

وكمان مرة نجرب كوكيز من محل في حي السلامة

طلبنا تشكيلة من اغلب الانواع للتجربة
الكرينكل، تعتبر كوكيز جدا طرية، شوكولاتة شوية داكنة (غامقة)، وعليها سكر بودرة من برا، مو كثير يسووها وطعمها مميز
باقي الكوكيز، نفس العجينة فيها نكهة ما قدرت احدد ايش هيا، نوع بهارات ضايفينه في كل الكوكيز، ومو مرة ناسبني
اكتر شي اتقبلته النوتيلا والجالكسي، والكلاسيك افضل من الشوكلت، الحشوة كميتها معقولة وطعمها كويس
كندر، عادية والحشوة قليلة
ونوعين رد فلفت، كريمة، وايت شوكلت، ما ناسبتني النكهة ابدا وكانت ناشفة

الواحد ياكل حبتين

الكرينل ٥ ريال والكوكيز ٨ ريال

الاكل يجي مرتب في علب شكلها حلو ومناسبة للتقديم لو عندكم ضيوف، وكل شي في كيس مغلق من المحل للحماية

الطلب كان عن طريق المحل نفسه بالواتساب، التوصيل على حسب الحي وكلفني ١٦ ريال
الدفع كان تحويل بنكي للمحل

للاسف مو موجودين في كل تطبيقات التوصيل، ومافي اختيارات في التطبيقات، لازم بوكسات ثابتة ما تتغير، ودا شي يحتاجو يشتغلو عليه، بس الطلب من المحل كويس وتشكّل على كيفك

** لو حابين تجربو كوكيز من جد طعمه مختلف وعجينته مختلفة، كاثرينز احتمال يعجبكم، انا مو مرة ناسبتني عجينتهم للامانة، بس بشكل عام افضل شي الكرنكل، بعدها النوتيلا والجالكسي، بلاش رد فيلفت، والطلب من المحل 👍🏻

انتقل إلى أعلى