قهوة بنات موقعهم بالملقا صراحة ماعرفه بس امي ارسلت لي الحلا

قهوة بنات موقعهم بالملقا صراحة ماعرفه بس امي ارسلت لي الحلا

 

قهوة بنات موقعهم بالملقا صراحة ماعرفه بس امي ارسلت لي الحلا هذا وقالت جيبيه معك جاز لها عاد كتبته بقوقل ماب ووصلت وادوره مافيه شيء بعدين انتبهت لباب صغير ع جنب اثره نسائي كذا زي المشاغل وبابهم صغير ع جنب اخر العمارة واذا دخلتي ترقين فوق ع طول صراحة انا مب من النوع اللي احب المقاهي النسائية بس عجبني هذا رايق وكله عصافير ولوحات وشجر وجلسات داخلية وخارجية ديكور نسائي بحت واللون اللي مااحبه ابد الزهري الفاتح طاغي بس شرح وكبير ورايق المهم طبعا الحلا هذا بوكس سنيونتا اسمه تكلمونهم او بالوتس اللي بقوقل ماب تكلمون قبل بساعة تطلبونه يجي بوكس ٣ انواع (كيكة تمر-حلا طبقات سنيوريتا – حلا الشعيرية يسمونه ريتشي او قراميش) صراحة كل واحد الذ من الثاني بس اللي بالشعرية مدري الكنافة دماااار يجنن فعلاً لذيذ مرررة وشكله مرتب حتى البوكس حقه ينفع تاخذينه لجمعة وسعره مقبول جداً ب١٥٠ ريال فيه ١٢ علبة اخذت منهم صحن ورق عنب تيك اوي طعمه مو يجنن اللي بعدددده يموووت ماشاءالله مضبوووط بدون مبالغة الذ ورق عنب ذقته مدري ليه ماحد علمني قبل بس من اللذة نسيت اصوره بس صراحة غالي مرررة فيه حول ١٠ حبات اتوقع يعني مرة صغير ب ٤٠ ريال مبدعين ماشاءالله حتى فكرة اللوقو حقهم جميل مرررة بنت وكوب قهوة بوقت واحد

 






اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *