قلنا نعطشكم قبل الإفطار بشوية موضوع جديد وصلنا من حبيبنا

قلنا نعطشكم قبل الإفطار بشوية موضوع جديد وصلنا من حبيبنا 1

قلنا نعطشكم قبل الإفطار بشوية موضوع جديد وصلنا من حبيبنا

 

قلنا نعطشكم قبل الإفطار بشوية موضوع جديد وصلنا من حبيبنا المبدع aidoadvisor
السوبيا
اللي ما يشربو سوبيا (على جنب بالله) الموضوع هنا كفته
اهل المدينه يقولو الخشه
اهل مكة يقولو الخضري
اهل جدة كلاي – العصفور – ابو الجدايل – البخاري هههههه ياخي مالنا كبير احنا ههههه المهم انا احكيكم حكايه
قبل سنتين ومع الاضطراب في الرأي عن افضل سوبيا قلت خليني اجرب كل الاماكن شرط يجيني منها توصيه اقل شي ٥ نَفَر على محل معين و بالفعل ١١ محل لفيتهم
كمان اعل المدينه عززولنا بسوبيا الخشه و اهل مكة عززولنا سوبيا الخضري وكمان اهل ينبع جابولنا أفتكر سوبيا من نقطه خمسين مهربه ههههه
السوبيا هي عباره شعير او خبز ناشف او من الزبيب!! والله من جد احكيكم انا او من لباب العيش اللي اغلب صناديق السوبيا تعمله
كل واحد له جوه بس امانة (سوبيا الخشه من أطعم السوبيات- المدينه فازت) هههه
انا من عشاق ابو الحمائل لانه يعملها بالشعير و بيني و بينه علاقة هذا لمحل تقريبا اكثر من ٢٢ سنه سبحان الله منذ الصغر وانا عنده بس وحتى ما عجب احد غيري ما فرق المهم ما يغير نكهته
سوبيا كلاي طعمها فنان برضو وعشان كده احنا الجداويه عشاوئين هههه نخب نغير يوم شعير يوم عيش ناس نحب التغيير هههه في كل شي طيب نرجع لمحور الحديس
المحصله من البحث: كل واحد على هواه يعيش في موضوع السوبيا والله لو جبتلك سوبيا ما ادري كيف تقول لا انا السوبيا اللي أجيبها افضل ((حتى لو من نفس المحل)) هههههه
من العوائل اللي استطعمت عندهم سوبيا بنت (اللهم اني صايم) طعمه:
ابوالخير: سوبيا زبيب سباركلنج يا حاتم مالها حل ههههه وعمل السوبيا عند صديقي هذا زي رسم لوحه و المحصله ابداع
المغربي: سوبيا فانيلا ههههه والله من جد تويست غريب عندهم ما ادري كيف بس تحس داخل فيها تكنولوجيا باسكن روبنز ههههه والله فنانه
غراب: لو ما اعرف انها معموله هنا كان قلت شي ثاني مزبوطه و حادقه ومن النوع اللي ريحتها تبهج كل اثنين ان شاء الله يا لؤي سامعني هههه
المهم كل عام وأنتم بخير و رضوان كريم يا رب يعوده علينا وعليكم بالخير و البركه وهادي يا أولادي اول حلقاتنا في عيدو الحجاز لشهر رمضان السوبيا مرطب للناس الدماغ العاليه
عيدو الحجاز
aidofood
حسابي للطبخ تابعوني
dhom bagies2015

 

قلنا نعطشكم قبل الإفطار بشوية موضوع جديد وصلنا من حبيبنا 1


انتقل إلى أعلى