قد ما فتحت محلات برجر، الواحد لازم تجيه فترة يشتهي برجر

قد ما فتحت محلات برجر، الواحد لازم تجيه فترة يشتهي برجر

 

قد ما فتحت محلات برجر، الواحد لازم تجيه فترة يشتهي برجر عالفحم
اليوم تجربتنا لمطعم شوية قديم وعندهم فروع كثير
سموكبلدي اللي زمان كان اسمه بلدي
smokebaladi
طلباتنا كانت عبارة عن برجر لحم دبل، برجر دجاج دبل، ساندوتش جمبري، وبطاطس
وطبعا ما ننسى البيبسي
والحلى السوفليه حقهم اللي مشهورين بيه
البطاطس شوية مختلفة زي مو باين في الصورة، مقرمشة بطريقة لذيذة حتى وهيا باردة، كميتها تعتبر كبيرة، لكن لو زوّدو التتبيلة حتصير احسن كمان
اما البرجر اقدر اقول انه عادي لأنه مو متميز في حاجة معينة
وساندوتش الجمبري ما يقارن بمحلات الجمبري
نفس نوع الصوص مستخدم في كل الساندوتشات
السوفليه عندهم ٣ احجام، جربنا الوسط، يعني من وجهة نظري ممكن يستوي شوية زيادة، لكن الطعم جيد، بسيط ومافيه اي فزلكة
الشخص ياكل ساندوتشين مع البطاطس
السوفليه الوسط لشخصين
الجيعان يدعس
الساندوتشات ملفوفة بورق عادي ومحطوطين في كيس
المرة دي رحت جبت الاكل بنفسي لأني كنت برا البيت، بس موجودين في تطبيقات التوصيل
** بشكل عام يعتبر برجر مشوي عادي، ممكن تجيبوه في البيت، لا تنسو البطاطس والسوفليه، بس لا تطلبو جمبري
ايش أحسن محل يسوي برجر عالفحم ؟
اكلك في بيتك جدة مطعم مطاعم توصيل ديليفري اكل جيعان جوعان كريم كريم ناو هنجرستيشن تويو وصل برجر
‏ jeddah restaurant delivery food hungry careem careemnow hungerstation toyou wssel burger

 

انتقل إلى أعلى