فطور في أوف ذا قريند

فطور في أوف ذا قريند
جده – مركز الخياط٣ – مقابل كاسبر آند قامبينيز
.
✨ عجبني اسم المكان ( لو كان اللي فهمته صح) .. مصطلح off the grid يعني خارج الشبكة و يعتبر تعبير شائع لمن أحد يكون طافي أو فاصل يقول I’m off the grid .. التغيير هنا في اسم المحل إنها صارت grind  وتعني الطحنة .. مره حلو أحب التفكير الإبداعي في اختيار الأسماء😌👌🏽 ..
 
-✨وصف المكان:
كافيه و لاونج للفعاليات و الأنشطة .. يصير عندهم كثير events  ومن حسابهم شفت لهم تعاونات مع جامعات و جمعيات مختلفة .. عندهم كمان كورنر مليان ألعاب و عندهم live shows
عندهم منيو يناسب أجواء المكان من وجهة نظري .. ماهو مره مليان خيارات بس كل الموجود حلو و يسد الجوع و يكيف ..
.
-✨الطلبات :
موهيتو الليمون
بيتزا مارقريتا
مجموع الطلبات كان خمسين و شويه ..
.
.
-✨وصف التجربة:
المكان وسيع جدًا ماشاء الله وجلساته مريحة ومتباعدة عن بعض يعني حتى لو كنت تذاكر مع أصحابك ما حتزعج الناس ..
خدمتهم مره حلوة و سريعة و البيتزا مره مره مره لذيذة تشبه بيتزا في سانت كاثرين مونتريال🥲💙..
.
متحمسة أزورهم مرة ثانية أجرب القهوة و الحلى🥰.
.

وبس و الله💙👋🏽

Image.jpeg

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *