فضلاً،، بناتي وصديقات بناتي وزميلاتهم لا تقرون هالموضوع،، ممنوع✋✋ عشان ما

فضلاً،، بناتي وصديقات بناتي وزميلاتهم لا تقرون هالموضوع،، ممنوع✋✋ عشان ما

 

فضلاً،،
بناتي وصديقات بناتي وزميلاتهم لا تقرون هالموضوع،،
ممنوع✋✋
عشان ما يستحون بناتي أو يتفشلون
،،
هذا الله يسلمني ويسلمكم قبل عدة سنوات رحنا لقهوة كشخة في دبي،،
كشخة مرررررة،،
وغالية،،
بس كانت القعدة عندهم حلوة،،
فقلنا ميخالف
ومو كل يوم الواحد يروح لهالأماكن الفخمة،،
بعضنا طلب كوفي،،
أحد حار وأحد طلب مشروب بارد
واللي مايشرب قهوة طلب عصير برتقال،،
وكل واحد جابوا له مشروبه بصينية كشخة،،
وسكر مطبوع عليه شعارهم ويمكن بعد قطعة كاكاو من إنتاجهم على جنب،،
الغراء بنتي الله يسعد قلبها ما أدري هي توفر لنا،،،أو كانت متقهوية الصباح فتبي شيء ثاني ،،أو كانت شهوتها ذاك اليوم كذا،،،،الصراحة ما أدري،،،المهم إنها طلبت ليمون بنعناع،،،
وياربي لك الحمد تقول إنه طلع حااااااامض ولا شربته،،
حاولت،،
بس ماش،،
ماقدرت،،
جت الفاتورة وطلعت مشروباتنا كلنا ب٤٠ ريال،،،
القهاوي والعصير،،
تقريباً ضعف سعر المقاهي العادي،،
ميخالف
أصلاً الإطلالة تستاهل،،
بس اللي استنكرناه إن كاس عصير الغراء اللي رجع لهم وبه ثلاثة أرباعه ب٦٠ ريال،،
قلنا؛وليش هي أغلى من مشروباتنا ؟؟
قالوا؛ حسبنا لكم قيمة كوكتيل مو عصير،،
الليمون والنعناع،،،
كأنها ماخذه عصيرين بس سوينا لكم تخفيض،،
قلنا؛ ماقصرتوا،،
جزاكم الله خير،،
حزمة النعناع اللي تسوي جيك نعناع كامل سعرها بالبقالة بريال،،
يعني أخذوا منا سعر ٦٠ جيك،،
ومن ذاك اليوم ونعناع قرو مضرب مثل ببيتنا،،
مضرب مثل للي يوفر بطريقة خطأ،،،
مضرب مثل إنه لازم تشوفون المنيو والأسعار تحديداً قبل الطلب،،
مضرب مثل لكل غش متكشخ
مضرب مثل للاستغفال،،
مضرب مثل للأشياء التي تشيل الأشياء،،،(الإطلالة كانت برأينا تشفع للأسعار)
مضرب مثل ((لمن بغى الدح لايقول أح))
وبس،،
تذكرت هالسالفة هالأيام لأننا رحنا بعد العيد لمطعم يمدحونه عشان نفطر وطلبنا ليمون بنعناع و ماشاء الله تبارك الله طلع حلو وسعره بدون الضريبة ب٨ ومعها صار ب١٠
مع إن المكان يعتبر من الأماكن الزينة بالدمام وسلامتكم،،
،،
،،
وأنتم يا رفيقاتي ،،
هل سبق ومر عليكم مثل هالموقف؟؟
يعني اشتريتوا شيء عادي وتفاجأتوا يوم جت الفاتورة،،

 






اترك تعليقاً

لن يتم نشر عنوان بريدك الإلكتروني.