عناية الجسم

عناية الجسم 
أول شي وقبل لا أتكلم عن العناية أبيكم تعرفون شي العناية بشكل عام يبيلها استمرااااااار اذا انتي تبين نتيجة واضحة لازم تستمرين على الاقل شهر بس بدون استمرار صدقوني ماراح تشوفون نتيجة 
راح أشارك معاكم الاشياء الي أنا مجربتها شخصياً وشفت نتيجتها 
.
الي كانت ماتهتم بنفسها وحابة انها تبدا عناية انصحها تبدا أول شي بالحمام المغربي عشان جسمها يتقبل الخلطات بعدين 
أول شي السنفرة :
كميات متساوي من ( كريم كاب – ملح الحليب من العطار ) عن تجرربة يمكن هذي أحلى سنفرة ممكن تمر عليكم من أول مرة بتحسون بنعومة ومع الاستمرار ان شاء الله توحد لون الجسم 
مرتين بالاسبوع + ماتصلح للبشرة الحساسة
ثاني شي الصابونية :
عندكم صابونيات كويت شوب من العطار وخصوصاً صابونية ( المرة والكركم) معروفة المرة بإزالة الآثار وتصفية البشرة و الكركم غني عن التعريف بالتفتيح 
اخر شي واهم شي الترطيييب :
بدون الترطيب عنايتكم كلها راح تروح بدون نتيجة 
احلى مرطب جربته ( ٣ ملاعق كريم جليسوليد + ٢ ملعقة زيت اللوز المُر + ١٠ ملاعق كريم فازلين الوردي + ملعقتين ماي ورد ) ترطيييب عاااالي ومايدبق معاكم 
هذي الخطوات الاساسية والي اعتمدت عليها انا بالفترة الي طافت وشفت نتيجة مُرضية 
أخر الصور تجارب متابعاتي الحلوين 
Image.jpegImage.jpegImage.jpegImage.jpeg

انتقل إلى أعلى