عطر شعر كانه حديقة ورد

عطر شعر كانه حديقة ورد 1
عطر شعر كانه حديقة ورد

عاد مع ها الأجواء وهالأمطار بتكلم عن عطر الشعر الخورافي الي ريحته ريحة حديقة و ورد بشعرك 😂تخيلوها عاد مع ريحة المطر 😂😂👌
العطر من Byredo 😍
اسمه la tulip
العطر حرفياً ريحة التوليب واضحه فيه مع ريحة اعشاب وريحة زهريه ناعمه بشكل وانثوووي صراحة بالنسبه لي من عطوري المفضله للشعر يعطيني شعور منعش 😁
مكوناته:
التوليب الزهري ونجيل الهند وعبير الراوند و زنابق الوادي وأخشاب وروائح عشبية ( هي الي معطيته شعور الحديقة الي اقولكم عنه😂😂)
العطر حجمه 75مل
فواحنه تقريباً جيد ما اقدر اقول انه فواح جداً ولا اقدر اقول مايثبت 😄بس كل ماسحبتي شعرك وشمشمتيه بتشمين ريحته 😂😂
 بس بشكل عام اعتبره مقارنة با أداء عطور الشعر الي ماتثبت غالباً هو مقارنته فيهم يعتبر أفضل من ناحية الفوحان والثبات .
سعره مختلف من مكان لمكان صراحه
اخذته 200 وشي ماتسعفني الذاكره لأنه ماخذته من 2019
حالياً اسعاره ارتفعت شوي ابحثو بالمواقع وقارنوا الأسعار
Image.jpeg

عطر شعر كانه حديقة ورد 1
انتقل إلى أعلى