طواجن ابو عمر Abo Omar كل مره بنروح طواجن ابو
طواجن ابو عمر Abo Omar
كل مره بنروح طواجن ابو عمر بننبهر اكثر و اكثر بالطعم و بنستمتع بالمكان و الذوق العالي و الاحترافيه لكل اللي بيشتغلوا و النظافه و التعقيم و اختيار الاغاني لفيروز او ام كلثوم بمزاج يخليك بتاكل وانت مستمتع
المره دي حاببين نقول لك على شوية نصايح قبل ما تروح طواجن ابو عمر:
– اعمل حسابك تكون صايم قبلها ب ٦ ساعات علشان اكلهم مايتاكلش الا على معده فاضيه لانه زي الفريك مايحبش شريك
– ماتقلقش على اطفالك لان في منطقه مخصصه للاطفال و معقمه وفيها مشرفه مسئوله عنهم
– لو عايز تبدأ الاكل بشحنه تديك طاقه لحد ما تخلص اطلب شوربة الكوارع بالعدس
– المقبلات و فواتح الشهيه لازم يكون في وسطهم الممبار الرهيب بالتتبيله بتاعتهم
– الكبده و المخ البانيه اللي دقتهم في حياتك حاجه و عندهم حاجه تانيه خااااالص ( لون ذهبي و طريه و مش مزيته و رفيعه و طعمها عبقري)
– الاكله اللي بتشغل الخمس حواس من وهي في المطبخ هي ورقة اللحمه ( بتسمع صوتها و بعدين تشوف الدخان طالع منها و بعدين تشم ريحتها و تلمس نعومتها و في الاخر تذوب في بقك) دي اساسي لازم تكون على سفرتك
– الحمام عندهم بيعامل معاملة الملوك من اول ما يوصل لحد ما ينزل على طاجن العرش و تحته الرز او الفريك
– لو غاوي مشويات اطلب الريش الاول وبعدها اطلب المشويات اللي نفسك فيها ( الريش خياليه)
– لو غاوي طواجن افتح المنيو على صفحة الطواجن و اختار اول حاجه عينك تيجي عليها مفيش طاجن عندهم نص نص ، كلهم فوق الممتاز
– فيك من يكتم السر؟؟ اطلب من الوييتر يجيبلك التوابل السريه بتاعتهم و حطها ع الاكل و ادعي لنا
– بعد كل ده لازم تحبس بشاي الزرده المعمول في براد صاج ياخدك في عالم تاني من المتعه
– ماتسيبش مكانك الا وانتى محلي بالرز بلبن او المهلبيه او الكنافه بالموز اللي مش هتلاقيهم عند حد بالطعم ده ابدا
العنوان : شارع ٦٦ متفرع من شارع التسعين ، أمام المستشفي الجوي
Location: https://googl/maps/FJ9qtMgpWvkX7rsX7
: / /
/ 30 / 40
جربناهولك