صباح الخير ☀️✋ الف فتنه في سلامو ، وفي ملامو ،

صباح الخير ☀️✋ الف فتنه في سلامو ، وفي ملامو ،

 

صباح الخير ☀️✋
الف فتنه في سلامو ، وفي ملامو ، حتى هرجو وكلامو وتقريرنا اليوم بيكون كلو حجازي يواد انت وياه
مطعم ستيته حلم فتاه حجازيه وتحقق الله يوفقها ويرزقها من نعيمو
استيته معناها الاخت الكبرى بلهجه اهل الحجاز ‍❤️‍
المطعم بيقدم اكلات حجازيه بس بشكل مرستك ياسيدي على قول المثل ” لمن جاه يطل غطى على الكل ” ✨
نخش على التقيل وركزو
الثريد ” مافي احد بجمالك وهندامك السعد ماشي على الصحن قدامك ” يستاهل الغزل قطع اللحم ذايبه مع الرقاق اول مرة اجرب الاكل دي وطحت بغرامها
نجي للبامية
وياعيني على البامية وهيا في الصحن متستته ومتصدره واللحم عن يمنيها وشمالها جربو تسدحوها على الرز الابيض ولابالعيش
كباب استيته باللبن
يقول المثل ” ألحس مني وأبات متهني ، أحسن من كبابك اللي جنني”
منجد الكباب جنني يذوب ذوبان بالفم كانو زبده من كتر طراوته
“عزيمة وزحمة وطبيخ بلا لحمة ” مايسير لايفوتكم المقلقل بالرز المديني وشويه طحينه ودقوس اضربو بالخمسه عشان الا ماياكل بيدو مايشبع

اطباق كتيره ومتنوعه في مطعم استيتة من زلطات واكلات تهيج المشاعر وترجعكم لاايام زمان نجي للحلى الا يدفع البلى

معصوب ستيتة يولد بالعسل الحري والسمن الطايفي يرم عظمك ويقويك ولا اللحوح باللبنية لااحكيلك ولا اشكيلك جرب وذوق ” كل ماراقت حليت وكل ماحليت سارت شربيت”
تستاهل استيته كل الكلام الحلو وعشان تزيد حلاوه فيه خَصم ٢٠٪؜ من اليوم وحتى تاريخ ٢ مايو
stitasa
stitasa ستيتة طهموج طهمجه تايم طهموج مطاعم
جدة مطعم كافي شوكولاته jeddah cafe مطاعم مطاعم جدة كافيهات جدة كافيه لذيذ تشوكلت صباح الخير

 

الموضوع منقول





















انتقل إلى أعلى