صباح الخير لجيران الحرم والكعبه أضطريت أنزل بوست لكثرة الأسئله

صباح الخير لجيران الحرم والكعبه أضطريت أنزل بوست لكثرة الأسئله

 

صباح الخير لجيران الحرم والكعبه

أضطريت أنزل بوست لكثرة الأسئله عن مطاعم وفنادق المنطقه المركزيه واللخبطة اللي تصير معاكم لارحتوا ‍♀️
فيه بنات ياعمري يرسلوا يقولوا رحنا ورجعنا ماعرفنا كيف ندخل

ركزوا معايا بأول وأهم نقطه طيب
لمن تروحوا ممنوع أصلا تدخلوا بالسيارات المنطقه المركزيه بتروحوا مع تاكسي ينزلكم هناك
أول ماتطلعوا التاكسي لاتقولوا الحرم حددوا وجهتكم
مثلا بتروحوا فندق ساعة مكة الفيرمونت
قولوا للتاكسي الفيرمونت هوا ع طول حينزلكم بالمدخل الرئيسي للفندق من غير ماتمروا بالمول وتحتاسوا

التاكسي اذا دخل مواقف ابراج البيت حتكون فيه بوابات رئيسيه تحت كبيره كل بوابه مكتوب عليها إسم الفندق
زي الفيرمونت
قصر مكه رافلز
ريحانا
سويس اوتيل
زمزم بولمان

مثلا حابه تروحي رافلز ؟
حينزلك عند البوابه الرئيسيه لرافلز وتدخلي الفندق
وقت ماتحبي تتغذي او تتعشي او تتقهوي فيه

تلاقي مصعد خاص بالفندق داخل المصعد لوحه مكتوب عليها إسم المطاعم الموجوده والمقاهي
وقدام إسم المطعم او المقهى حرف ورقم الطابق فأضغطي ع الزر اللي قدام مطعمك وتنزلي هناك دايركت ♥️

مثلا حابه تتقهوي بمقهى رافلز كريمري ( الشرفه ) أضغطي ع P11

ثبت هايلايتات جديده واحد خاص بمطاعم الفيرمونت
fairmontmakkahclockroyaltower
والثاني خاص بمطاعم ومقاهي رافلز
rafflesmakkah

جا ببالي خطه مرا بطله للتوضيح بس أحتاج أحد يساعدني فيها
حدور أحد وأنفذ وأنزلها بإذن الله متأكده حتكون نقطة تحول مهمه لحسابي ومرجع أساسي بإذن الله
بس يبغالها مجهود وشوية وقت وشوية دراهم
حبدا فيها بس أدعموني بلايك وكومنت تقديرا لتعبي وجهدي ♥️

حثبت كمانا مطاعم كل فندق بالمنطقه المركزيه بهايلايت خاص فيه
سواء جبل عمر أو أبراج البيت أو أبراج الصفوه
بس أحتاج دعمكم ليا ‍♀️
لاتنسوا تمروا ع الهايلايت الجديد الفيرمونت
ورافلز
ححعدل الهايلايتات وأرتبهم بس أفضى

 

الموضوع منقول



انتقل إلى أعلى