صباحكم فرح وسرور تقييم اليوم وصلنا من abbasinho فطور جوني

صباحكم فرح وسرور تقييم اليوم وصلنا من abbasinho فطور جوني

 

صباحكم فرح وسرور تقييم اليوم وصلنا من abbasinho
فطور جوني روكيتس
اختياري لهذا المطعم كان بسبب الزحمة الموجودة على شوبك و فطور فارس
فجا في بالي أجرب جوني روكيتس في الفطور
بحكم إنه فاضي والناس تحسب إنه يبيع برجر بس
دخلت المطعم كل العاملين صبحوا عليا بحكم إني أول زبون لليوم
جابولي المنيو وكان فطور متنوع ما بين البيض و التوست و اللحم المقدد والبان كيك و غيرها من الأصناف
طلبي كان
أومليت : عبارة عن ٣ بيضات مقلية فيها خلطة داخلية مكونة من ” مشروم ، طماطم ، بصل ، جبنة ، فلفل أخضر ، شيلي ، ديك رومي مدخن ”
طعمه لذيذ بكل أمانة بس المكونات الداخلية حسيتها مخربة ع الطعم بس شيء جميل وكان معمول في وقته ،، طبعاً يقدموا معاه خبز توست و زبدة و مربى و تختار طلب جانبي إما نقانق أو لحم مقدد مع بطاطس مقلبة لذيذة ،، ميزة الوجبة مشبعة جداً ،، و سعرها ٢٩ ريال
عصير برتقال : في العادة ما أحب المشروبات الطازجة بالذات البرتقال ،، لأنو ممكن ما يزبط معاك ويجيك حامض وهذا الشيء حسب البرتقال المعصور ،، عموماً العصير كان طيب ،، وسعره ١٢ ريال
الفطور في جوني روكيتس تجربة ممتازة وراح أكرر تجربتها بالتأكيد
العيب اللي واجهته وقتها
المطعم يفتح الساعة ٨ المفروض بس تأخروا نص ساعة زيادة لدرجة إني ظنيت إنهم بطلوا يقدموا فطور
وحاجة تانية كمان ،، مافي بوست على صفحتهم في الانستغرام يوضح أوقات الدوام للأسف 🙁 غير كذا كل الأمور تمام
يستاهل
٨ من ١٠
نشوفكم في تقرير ثاني
وأشكركم على المتابعة

 

الموضوع منقول



انتقل إلى أعلى