سيراي ايجيت في الشيخ زايد القاهرة

سيراي ايجيت في الشيخ زايد القاهرة 
يا صباح الفل 😍
لكل اللي بيحب الاكل اللبناني 🇱🇧ما تيجوا اقولكم علي مطعم لبنانى  جديد اسمه seray egypt
تحديدا في الشيخ زايد في @walkofcairo
بجد كل حاجه perfect 👌🏻 من اول المكان اللي بجد very unique للاكل و الخدمه  حقيقي المكان مبهر جدا 🥰
تعالوا اقولكم طلبت ايه و ايه اكتر حاجه عجبتني
نبدأ بالمشويات طلبت ال mixed grill
طبق عظيم بيكون عباره عن شيش طاووق و كفته لحمه و كفته فراخ و كباب مشوي مع فلفل مشوي و طماطم مشويه
بيتقدم مع عيش البيتا المخبوز عندهم و بينزل مع ال mix grill سخن جدا ❤️
الطبق التاني في قسم المشويات كان
المسبحه الذهبيه الطبق داه حقيقي جديد بالنسبالي و عظيم جدا بصوا هي نفس الكبه النيه بس مشويه حقيقي طعمها حلو اووووي و بالنسبالي لما اروح تاني احب اطلبه تاني جدا حقيقي مميز 🥰
نيجي بقي الفته و جمالها بصوا بقي عندهم فته انا لسه مشوفتوش في اي مطعم لبناني تاني و هي فته الجمبري 🦐
بالظبط كده فته جمبري بجد مش قادره اوصفلكم جمال الفته دي مع الجمبري و العيش ال crispy و عليها صنوبر كده بجد حاجه كده متتوصفش هي تتاكل علي طول 😅❤️
بجد لو روحتوا لازم تجربوها لانها هتعجبكم جدا وجديده 😍
الطبق التاني في الفته كان فته البتنجان 🍆
بصوا هي الفته عندهم عموما حلوه اوووي و مظبوطه جدا البتنجان طعمه حلو اووي و متبهر بطريقه حلوه تخليكم حابين تاكلوها بجد زي ما قولتلكم الفته عندهم طعمها حقيقي مميز جدا 👌🏻👌🏻
نيجي للمقانق اي مطعم لبناني بصراحه بروحوا بحب اطلبه جدا علشان اشوف بيعملوه ازاي لانها من الاطباق اللبنانيه المحببه علي قلبي و بجد طلعوا بيعملوها مظبوطه جدا طعم اللحمه نظيفه البهارات اللي في اللحمه مظبوطه صوص دبس الرمان اللي عليه حلو اووي بجد اللي بيحب المقانق هيعجبه اووي عندهم بيعملوها بشكل مميز جدا 🤤😍
نيجي بقي لطبق خطف قلبي و هو العرايس🤤
هي حاجه كده تشبه للحواوشي عندنا بس داه بيكون في عيش ابيض و العيش نفسه crispy كده و اللحمه طعمها حلو اووي بجد ❤️
نيجي بقي لطبق داه العشق كله طبعا من انواع المازات البارده اللي مشهورين بيها و هي الورق العنب 🤤 اه من الورق العنب و جماله يا جماعه الورق العنب في حياتي بجد اهم من ناس كتيره اوي موجوده في حياتي 🤣
نرجع لموضوعنا بقي ورق العنب طعمه حلو اووي و مشوفتش فيه غلطه مظبوط جدا و مززازته مظبوطه جدا 👌🏻
الي كانت جديده و اول مره اجربها هي كانت ال grilled octopus 🐙 بصوا انا اول مره اجربها في حياتي كلها و قالولي انهم مميزين بيها فقولت تمام اجرب ليه لأ 😅 و طلع طعمه حلو جدا و معمول بطريقه حلوه اوي😍
Image.jpegImage.jpegImage.jpegImage.jpegImage.jpegImage.jpegImage.jpegImage.jpeg

انتقل إلى أعلى