سوق الندى جدة احد اجمل مناطق جدة التاريخية في البلد

سوق الندى جدة احد اجمل مناطق جدة التاريخية في البلد

لانك بمجرد ما تنزل هناك كل شي يكون جنبك سواء أكل او غيره زي الملابس والالعاب.
زيارة اليوم كانت لاحد اشهر مطاعم السمك بالمنطقة وهو اسماك باعشن اللي للأسف مقفل للصيانة ولمن روحت لمطعم اسماك الندى لقيت المحل جداً مزدحم وعشان لا يكون المشوار على الفاضي جربت احد المطاعم اللي مستفيد من تقفيلة باعشن وزحمة الندى وهو (مطعم اسماك اليم)
فرق الاسعار بسيط بين(اسماك اليم)وبين (اسماك الصعيدي) مع فرق المشوار وحوسة المواقف في البلد و طول الانتظار واحتمالية لخبطة الطلب وبرودته الين ما توصل البيت واكيد الجلسات والمطل لها دور في الموضوع.
لكن من ناحية أُخرى الطعم في اسماك اليم كان الذ من اسماك الصعيدي بس هل يستاهل المشوار و البهدلة مع وجود مطاعم في وسط وشمال جدة اغلى بشوية لكنها ممكن تكون الذ.
التجربة جيدة لكن احتاج اجرب احد اشهر مطعمين سواء باعشن او الندى عشان نشوف هل يستاهل المشوار علشانه او ناخذ منه اذا كنا مارين على منطقة البلد بشكل عام.
اعطونا تجاربكم لنفس المطعم ورشحولنا مطاعم مأكولات بحرية لذيذة وتستاهل المشوار.
انتقل إلى أعلى