| سوشي ساكاي |مطعم جديد عليكي ياجدة تقييم اليوم

| سوشي ساكاي |مطعم جديد عليكي ياجدة تقييم اليوم

 

| سوشي ساكاي |مطعم جديد عليكي ياجدة
تقييم اليوم وصلنا من صديقتنا الدائمة travel 26
مسآء الخير ،
جيتكم اليوم بتقييم جديد وحصري ،،
شفت إعلان عنه وقلت لازم أجربه والحمدلله وفقت في الإختيار ،، عددنا ٣ اشخاص وطفلة ،، إفتتاح المطعم كآن اليوم ،، ١ ديسمبر ،، لمحبين الأكل الياباني بصفة عامة والسوشي بصفة خاصة ،، المطعم إسمه سوشي ساكاي ،، حي الخالدية ، شارع الروضة ،، قبال ماكدونالدز ،، طلبآتنا كانت ؛؛
سلطة سيزر ،، كانت لذيذة جدا جدا وأول مرة أذوق صوص للسيزر باللذه هذه ،، سعرها ٢٩ ريال واعطيها نسبة ١٠/١٠
نولدز بالدجاج والكاجو ،، بصراحة لذيذة بس تحرق شوي للي مايحبون الحار وكميتها ممتازة جدا ،، سعرها ٣٠ ريال ،، ١٠/٩
دجاج تبنياكي ،، هذا الطبق شي فضيع فضيع فضيع ،، هو عبارة عن قطع دجاج ورز وصوص ،، الصوص والدجاج شي مو طبيعي والله ،، سعره ٣٩ ريال ،، ١٠/١٠ وحطلب هالطبق في كل مره أروح فيها هالمطعم ،
لحم ترياكي ،، طبعا هذا شرايح من اللحم وعليه صوص صويا ورشة سمسم ،، ورز أبيض ،، بصراحه حلوو ،، سعره ٥٩ ريال ،، اعطيه نسبه ١٠/٩
ياكي تورا ،، هذا الطبق شبيه بالشيش طاووق ( في أسياخ ) بس طبعا الطعم مو نفس الشيش طاووق ،، وعليه صوص خفيف ،، سعره ٢٩ ريال ، اعطيه نسبة ١٠/٨
وجينا للحلى ،، فرايد أيس كريم ،، كور أيسكريم مغطاة بالكورن فيلكس ،، للي يحبون الكورن فيلكس حيحبو الحلى هذا ،، سعره ٢٥ ريال ، واعطيه نسبة ١٠/٩
٢ بيبسي ،، ١ سفن ،، المشروبات الغازية سعر الواحد ٦ ريال ،
بشكل عام ،، أسعاره ممتازة جدا ومناسبة جدا ، بالنسبة للمطاعم اليابانية ومطاعم السوشي وحيكون منافس قوي ،المطعم ديكوراته جميله جدآ ،، ويفتح النفس ،النظافة نظيف جدا ،، العاملين محترمين جدآ
وأخلاقهم عالية وهذا أهم شي ،✌ ️
الشي الوحيد اللي ممكن يضايق البعض إنهم تأخرو شوي في تقديم الطلبات بس بصراحة من يوم يجيك الطلب وتشوفو كيف الترتيب والتنظيم تنسو التأخير ،، وأكيد حزور المطعم مره واثنين وثلاث ،، ويارب يستمرو على كذا ،❤️

 

الموضوع منقول



انتقل إلى أعلى