| سورا الكوري | تقييم جميل ومفصل وصلنا من صديقتنا المبدعة




| سورا الكوري | تقييم جميل ومفصل وصلنا من صديقتنا المبدعة

 

| سورا الكوري |
تقييم جميل ومفصل وصلنا من صديقتنا المبدعة amoolterre
لعشاق المطبخ والأكل الكوري مطعم سورا الكوري في شارع الروضة بجدة تمت زيارة المطعم تلاته مرات، تقييمي له ممتاز ويستحق التجربة
– ديكور المطعم جميل مستوحى من الطراز الكوري، الجلسات نوعين أرضيه وطاولات، المطعم فيلو شاشات تلفزيون تعرض برامج وموسيقى كورية
– المنيو باللغة العربية والانجليزية
– الأسعار فوق المتوسط
– الضيافة عندهم عبارة عن شاهي اخضر وفواكة مجففة ( تفاح وبرتقال)
– من خلال الزيارات التلاتة جربنا الأطباق التالية
1- وجبة SURA الكاملة (HEE) الحد الأدنى لازم تكون طلبين ( 400 SR)
التقييم: الوجبة كبيرة تقريبا تجي فوق العشرة أطباق جانبية من شوربة ورز ومقبلات ومكرونة 9/10 ‏2- (Sura Hwa Bulgogi (90SR
التقييم: عبارة عن طبق لحم شرايح خفيفة تشبه للفاهيتا يقدم مع خمسة انواع من الاطباق الجانبية،، طعمو لزيز يعني ممكن اطلبو كزا مرا 9/10 ‏3- (Dolsot Bibimbap (80 SR
التقييم: طبق بيبيمباب يقدم مع سبعة اطباق جانبية ،، يجي في طبق فخار حاااااار طعمو جيد وممكن ينطلب تاني 85/10 ‏4- (Sanchae Bibimbap (75 SR
التقييم: الطبق نفس اللي في رقم 3 بس طريقة التقديم يجي في طبق بارد ‏5- (Tteok-Bokki (55 / 75 SR
التقييم: اشهر طبق في المطبخ الكوري وبالنسبة ليا الزززززز طبق لازم في كل مرا اطلبو،، عبارة عن كعك الأرز مع الصوص الحار ،، اتعب واقول طعم 10/10 ‏6- (Haemul Ramyeon (55 SR
التقييم: طبق الراميون الكوري يجي معاه تلاته اطباق جانبية، طعمو عادي زي الأندومي بس حارررر 8/10 ‏7- (Sundubu Jjigae (65 SR
التقييم: الطبق عبارة عن شوربة بالتوفو والمأكولات البحرية يجي معاه خمسة أطباق جانبية 8/10 ‏8- (Chamchi Gimbap (60 SR
التقييم: الكيمباب الكوري في غنى عن التعريف طعمو لزيزززز 95/10 ‏9- Susam Saeu Naengchae ‏(60/80SR
التقييم: سلطة باردة بالروبيان مع نكهة الجنسينغ وصوص الصنوبر،،، طعمها جييييييد 85/10 ‏10- (Modeum Jeon (75/105SR
التقييم: الطبق عبارة عن مقبلات ، مجموعة خضار مقلية تشبه للتمبورا 85/10 ‏11- (Patbingsu (20/35 SR
التقييم: الطبق دا حلى كوري مشهور عبارة عن حليب متلج مجروش وفوقو يجي الفاصوليا الحمرا الحلوة،،، مرااااا لزيززززززز وكل مرا اروح اطلبو 10/10 بشكل عام المطعم يستاهل التجربة،

 

انتقل إلى أعلى