سلايسد شاورما جدة





سلايسد شاورما جدة
لمحل شاورما مقابل سوق الشاطئ وبجوار بسكوتي
طلبنا شاورما شامي لحم ودجاج، شاورما دجاج جيرمن، وساندوتش شيش طاووق، بالاضافة ل بطاطس وما ننسى #
بيبسي
اول شي لاحظته الاكل نظيف ومافيه زيت كثير، والشاورما وصلت ماسكة نفسها مو عيش ذايب وبايش
الشاورما في عيش شامي صغير اما الطاووق في الشامي الكبير
الجيرمن شاورما العيش مختلف، مدوّر كانه برجر نحيف جدا، فكرتها مختلفة وجيدة، وفيها خس وطماطم، تعطيك احساس انها خفيفة
الطاووق مستوي كويس وطري، لكن نكهته شوية خفيفة
وبشكل عام الشاورما جيدة، والثوم ما يعتبر قوي او فيه حموضة، يعني اذا انت كيّيف ثوم ممكن مو مرة يناسبك
البطاطس عادية
زي الشاورما الواحد ياكل ٢، او ممكن واحد طاووق
#الجيعان_يدعس
الشاورما ب ١٠-١١ ريال، الطاووق ١٧
التغليف عادي زي الشاورما، وكل الطلبات في كيس ورق مغلق من المطعم للحماية
الطلب كان من كريم باستخدام كود، موجودين كمان في جاهز، تويو، لقمتي، ذا شيفز، ومرسول
** سلايسد اختيار نظيف للشاورما بسعر معقول واختيارات مختلفة، باذن الله ليا معاهم تجربة ثانية للاسكندر واطباق الرز، والطلب من كل التطبيقات تقريبا ١٥ ريال، مرسول عامل ٣٠٪؜ من رسوم التوصيل👍🏻
يا عشاق الشاورما، ابغى محل يسوي شاورما دجاج بالثوم تضرب في المخ 🤪
Image.jpegImage.jpegImage.jpegImage.jpeg





اترك تعليقاً

لن يتم نشر عنوان بريدك الإلكتروني.

انتقل إلى أعلى