سكيل اون ذا جريل جدة المحمدية

سكيل اون ذا جريل جدة المحمدية

تجربة اليوم لعرض الغذاء من مطعم سكيل أون ذي جريل طبعا العرض هو اضافة ١٠ ريال لقيمة الطبق الرئيسي مقابل شوربة وسلطة وحلى ومشروب غازي (بدون اعادة تعبئة) من السبت للاربعاء من افتتاح المطعم وحتى الساعة ٥ مساء.
العرض جيد لكن هنا اتمنيت يكون فيه تنوع اختيارات اكثر بالذات للشوربة والحلى زي ما هو موجود في الاطباق الرئيسية.
اتوقع سبب قساوة اللحم في طبق تنداريلا هو اني طلبت اللحمة تكون مستوية تماماً ويمكن لو طلبتها اقل استواء حتكون افضل من كده.
ما اخفي عليكم زعلت من حجم اللحم في قطعة الضلع وكلمت الموظف عليها ووضحلي ان حجم اللحمة قبل الطبخ ٣٠٠ جرام ولكن مع الطبخ لمدة ٨ ساعات صغرها الى الحجم دا ورغم كده تستحق العلامة الكاملة 😍.
تجربة ممتازة الاطباق كانت ممتازة واضافة العشرة ريال كانت في محلها الشوربة ممتازة والسلطة جيدة مهي زي اغلب المطاعم اللي تسويلك عرض على حاجة بجودة متوسطة ، اما فطيرة الليمون 😍كانت ابداع ثم ابداع ثم ابداع عرفوا كيف يدمجوا معاها الايسكريم بطريقة تقول انهم يكملوا بعض وكانت احلى ختامية لزيارة المطعم.
شاركونا تجربتكم لنفس المطعم واعطونا اقتراح تقييم مطعم لحوم وخصوصًا الاضلاع.
انتقل إلى أعلى