ريش غنم بصلصة الدبس والخل البلسمي مع الخضار Molasses & Balsamic

ريش غنم بصلصة الدبس والخل البلسمي مع الخضار Molasses & Balsamic

 

ريش غنم بصلصة الدبس والخل البلسمي مع الخضار
Molasses & Balsamic Glazed Lamb Chops with Vegetables
كتير بحب حضر هيك أطباق فيها تشكيلة خضار وألوان، النتيجة النهائية متعة بصرية بالنسبة إلي، اذا تركنا على جنب النكهات الرائعة للحمة والخضار
الهليون:
عادة بيكون الجزء السفلي كتير قاسي ممكن تقصوه بالسكينة أو بإيدكن متل ما مبين بالفيديوسلقتن بمياه مغلية دقيقتين بس ونقلتن مباشرة على مياه باردة جدا حتى وقّف عملية السلق قلّبتن بمقلاية مع زيت، ملح وفلفل لمدة دقيقة وحدة طفيت النار وحطيت ملعقة صغيرة زبدة ما تطبخوهن مدة اطول حتى يحافظوا على لونن وقرشتن
الفطر:
الفطر بيحتوي على كمية هائلة من المياه عشان هيك بتحسوا الزيت بيختفي دغري بس تحطوه عليه الأفضل دايما ينحط عالنار بدون زيت حتى ننشّف المياه منه قد ما منقدر وبعد ما يتغير لونه ويصغر حجمه منضيف الزيت والملح والفلفل ومنقلبه حتى يكمل طبخ
الجزر:
أكبر جريمة بحق الجزر هي السلق كتير طيب ينشوى بالفرن، السكر الموجود فيه بيتكرمل وبيعطى لون ونكهة خيالية
حطيت للجزر زيت، زبدة، ملح، فلفل وإكليل الجبل وحطيتن بالفرن على حرارة عالية لمدة ٢٠ دقيقة على الرف الأسفل أو لحتى تشوفوا اللون تغير والجزر صار طري شوي من جوا
البطاطا:
سلقتا نص سلق وشويتا بالفرن مع بهارات وزيت وزبدة فيديو الطريقة بتلاقوه بال reels
الذرة:
طريقة التقطيع والطبخ موجودة بالفيديو السابق
ريش الغنم:
خلطت:
٣ ملاعق كبار دبس الخروب
٣ ملاعق كبار صلصة صويا (ممكن تستبدلوها بملح)
٥ ملاعق كبار خل بلسمي
حر مجروش وفلفل أسود حسب الرغبة
بمقلاية كتير حامية على نار قوية شويت الريش على الجهتين حتى ياخدوا لون تحمير حلو، حوالي دقيقتين على كل جهة ضفت الخليط اللي حضرته بوقت مسبق وتركتن يغلوا على نار قوية حتى يتكثف قوام الخليط
عملية تحضير الريش كلها على بعضها ما أخدت أكتر من ٧ دقائق ما تطبخوها وقت أطول حتى تضل طرية وتحافظ على عُصارتا
beautifulcuisines tasty homecooking recipe tips cookingtips foodie foodgram instafood lebanon kuwait q8 الكويت لبنان lambchops chops lamb glazed balsamicglaze balsamic molasses vegetables corn carrot asparagus mushrooms potatoes ريش ريش غنم

 

الموضوع منقول



انتقل إلى أعلى