رولي دي باريس انتركوت جدة

رولي دي باريس انتركوت جدة

سبحان مغير الأحوال قد ايش كان مركز فلسطين التجاري مزدحم والسيارات فوق بعضها وكيف تبدل الحال وقفلت اغلب مقاهيه وبقي برجر كنج وستاربكس صامدون
ولقيت مطعم رولي دي باريس مدري هو جديد ولا من زمان موجود في
المطعم علامة تجارية لنفس المطعم الموجود بفرنسا ومجموعة من الدول الاوروبية زي اسبانيا وبريطانيا وفي المغرب ومشهورين بالصوص في طبق الستيك انتركوت.
.
توقعت ان المطعم فاضي نتيجة الاسعار الخيالية اللي حلاقيها في المنيو ولكنها معقولة اذا قارنها بجودة الاكل المُقدم اللي كانت رهيبة جداً في الطبقين واكثر حاجة عجبتني صوص الستيك اللي كان مليان نكهات ومتناغم مع الستيك.
.
صح انهم ماكتبوا في المنيو فيليه السالمون لكن يا حضرة الشيف كان كملت جميلك ونظفت السالمون😅.
.
التجربة جميلة جداً المطعم يقدم منيو يُعتبر محدود لكن الحمدلله اتوفقنا في طلبنا وفي المطعم بشكل عام.
.
اعطونا تجاربكم لنفس المطعم واكتبولنا اقتراحاتكم لمطاعم ستيك سواء المعروفة او المميزة زي الانتركوت.
وتذكروا : (لولا اختلاف الأذواق لبارت السلع)
انتقل إلى أعلى