|روكوكو| تقييم جميل لمطعم حديث على الساحة وصلنا من صديقتنا emma

|روكوكو| تقييم جميل لمطعم حديث على الساحة وصلنا من صديقتنا emma

 

|روكوكو|
تقييم جميل لمطعم حديث على الساحة وصلنا من صديقتنا
emma review
ريڤيو زيارتي لمطعم و كافيه Rococoa | نهاية شارع فلسطين مع شارع الاندلس
المطعم تابع لنينو ، في نفس المبنى الدور الأرضي
فروعهم في الكويت و الرياض ، و فتح اخيراً فرع في جده من ١٠ ايام تقريباً ، الافتتاح الرسمي يوم ١٣ مارش
المساحه صغيره و ضيقه و الطاولات قريبه من بعض
بس الديكور و الالوان تفتح النفس ✨
تقديم الأطباق رائع و مبتكر ،
المنيو اطباقه مو كثيره بس متنوع ، الاطباق تشهي خصوصاً منيو الفطور يحمس زرته بعد الظهر ، كان فاضي احنا اول ناس
المكان هادي و الخدمه ممتازه طلباتنا:
– ماك آند تشيز باستا “باستا مع شوية طماطم لاتُذكر و صوص ابيض و جبنة بارميزان بطبقه مقرمشه ، لذيذه” بس كانت تحتاج شوية ملح و فلفل | ٥٢ ريال
– تشكن أفوكادو كلوب ” خبز الفوكاشيا اللذيذ بدجاج مشوي و شرايح الافوكادو و الطماطم ، يكون فيه بيكون بس انا طلبته بدون ، الساندوتش لذيذ و يتقدم مع فرنش فرايز بالاعشاب حبيت الطبق” ٤٢ ريال
– ذره مشويه “حبيت فكرتها انها مشويه عادةً في المطاعم يقدموها مسلوقه ، مغطينها بطبقة صوص ابيض حامض مع رشة جبنه ” | ٢٥ ريال
و بعد وجبة الغداء حبيت اجرب القهوه و الحلا عندهم
– طلبت كابتشينو “كان طيب بس الكوب صغير” | ٢٢ ريال
– كيك ديڤيل فود بالشوكولاته “هذا طبق المفاجئات ✨ ، طريقة التقديم جداً مبتكره الطعمات مع بعض لذيذه ، حار مع بارد مع اشياء كرنشي مع كيك و صوص تشوكلت ، الطلب عباره عن فوندات مع كيك الشوكلاته و قطعة كراميل مقرمشه في الطبقه اللي فوق ، و الطبقه اللي تحت آيس كريم مع كورن فليكس بالتشوكلت و كيك و صوص تشوكلت ، مكس بطل ” | ٤٢ ريال
التجربه كانت ممتعه ، استمتعت في الجلسه و الهدوء و الطلبات و كل شي ، اضفته ل لستتة مطاعمي المفضله jeddah restaurants كافيهات

 

الموضوع منقول









انتقل إلى أعلى