روزاتي في ابوظبي مجمع الكرامة

روزاتي في ابوظبي مجمع الكرامة
عباره عن كوفي ومخبز يقدم  مأكولات متنوعة تناسب جميع الاذواق .. واللي يميز الكوفي قعداته مريحة وفيها خصوصيه اتحس انك يالس في البيت انصح اتزورون المكان الصبح عندهم قائمة فطور بتعجبكم
تقدرون تقعدون اي مكان واذا تبون خصوصيه اكثر عندهم المجالس للحجز مع منيمم سبينت يعني تطلبوناللي تبونه توصلون المبلغ المحدد والمبلغ على حسب المجلس اللي تختارونه .. وكل المجالس في تلفزيون تقدرون اتجوفون نت فلكس و يوتيوب يفضل تحجزون قبله بيون على الاقل
.. وعندهم بعد ترتيب المناسبات المختلفه .. انا زرت الكوفي الصبح واتريقت هناك وبحط لكم شو خذت من عندهم
اسعار وانواع المجالس :
الماريا لاونج ٣٥٠ درهم
حديريات لاونج ٤٠٠ درهم
ياس لاونج ٤٠٠ درهم
المجلس لاونج ٥٠٠ درهم
رويال لاونج ٢٠٠٠ درهم
انا شخصي احب اروح الكوفيات الصبح انتو اي حزه تفضلون ؟؟
الموقع :
أبوظبي، مجمع الكرامة
اوقات العمل :

٧:٣٠ صباحا – ١١:٠٠ مساءًا

Image.jpegImage.jpeg

انتقل إلى أعلى