|ذي تشيز كيك فاكتوري | تقييم اليوم للمطعم الشهير تشيز كيك

|ذي تشيز كيك فاكتوري | تقييم اليوم للمطعم الشهير تشيز كيك

 

|ذي تشيز كيك فاكتوري |
تقييم اليوم للمطعم الشهير تشيز كيك فاكتوري من صديقتنا emma review السلام عليكم ومساكم خير يارب
ريڤيو لزيارتي لمطعم تشيز كيك فاكتوري | لو مول | التحليه
كانت زيارتنا عالظهر ، المطعم تقريباً شبه فاضي و رايق و مافيه زحمه ولا ازعاج و الاهم مافيه انتظار وعلى طول جلسنا
احلى ما في المطعم انو شرح و اضاءته مع الشمس في النهار حلوه ، لكن لا ديكور ولا اضاءه في الليل
احب ضيافتهم الخبز الأسمر مع الزبده
و خدمتهم حلوه و سريعه طلباتنا:
* سيزر سالاد “كنت أذوقها أطعم من كذا بس المره ذي كانت حامضه بزياده و نكهة الثوم قويه ” | طبق صغير ٥٠ ريال
* توستادا سالاد “اوراق خس و فاصوليا و طماطم و ذره وبصل اخضر مع قطع دجاج مشوي و صوص خل و كريمه حامضه مع الافوكادو ❤ مكس مره حلو | ٨٢ ريال
فرايد تشيز “موزريلا مقلي مغطى بطبقه مقرمشه و معاه صوص احمر ، مافيه اي ميزه الطبق يشبه كل المطاعم اللي تسويه” | ٣٠ ريال
* لويزيانا “باستا حاره بشكل الفيونكات مره لذيذه مع دجاج مقلي مقرمش و رفيع مغطى بطبقة بارميزان”| ٩٢ ريال
* تاكو باها “٤ قطع تورتيلا بالدجاج الحار مع الطماطم و صوص الافوكادو و فلفل الشيبوتلي + طبقين جانبيه رز اخضر و فاصوليا الطبق مشبع و لذيذ | ٧٦ ريال
و بعد الغداء طلبنا كوفي و حلا ، عندهم طبق حلا طِعِم و مميز و خفيف ستروبري شورت كيك “شورت كيك يجي هش و مقرمش قوامه قريبه للسكونز ، معاه ايس كريم ڤانيلا و قطع فراوله طازجه ، بطل الكيك و حلاه موزون و لذيذ | ٤٠ ريال
* ٢ دبل اسبرسو | الكوب ب٢٠ ريال
* كافيه موكا “اسبرسو مع شوكولاته و حليب ساخن و تغطيه كريمه مخفوقه ، بدون سكر و كان ممتاز ” | ٢٠ ريال
المطعم احس جوّه لقروبات كبيره عشان يقدرون يتفاهمون مع ححم الاطباق jeddah restaurants أمريكي

 

انتقل إلى أعلى