ذا باندا فود

ذا باندا فود
عشاق الجبنة واللغوصه اخيرا هيلاقوا طلبهم والمكان اللي هيلغوصوا فيه براحتهم ويعوموا في بحر الجبنه اللذيذة وكمان يستمتعوا بطعم الفرايد تشيكن والبرجر 😋😋
(ايتوس) مكان صغير ومحندق في مدينة نصر بس بيعمل شغل عالي جدا خصوصا مع الناس اللي كانت دايما بتشتكي ان الاماكن اللي بتقدم الساندوتشات الغرقانه في الجبنه السايحه بتبقي دايما جودة الفرايد تشيكن مش احلي حاجه وبيعتمدوا ان الجبنه بتداري علي عيوب الطعم واحيانا عيوب النظافه كمان ..
لكن ايتوس اكتر حاجه حبيناها في الأكل عنده اننا استمتعنا جدا بطعم وجودة ونظافه الفرايد تشيكن وفي نفس الوقت لغوصنا في الجبنة السايحه اللي كانت لذيذة فعلا مش مجرد شكل وخلاص ..
كمان نادرا لما بنلاقي مكان بيقدم فرايد تشيكن وكمان برجر ويطلعوا الاتنين حلوين وفي نفس المستوي تقريبا وده اللي حصل معانا في ايتوس .. 
تعالوا كده نشوف جربنا عندهم ايه👇👇
BURGER PIZZA
شكل الساندويتش وطريقة تقديمه اظن جمالها باين في اول صورة مش محتاجه مننا كلام كتير ..
طبعا شكله يفتح النفس وحلو اوي بس اللي احلي بقي ان البرجر نفسه كان طعمه حلو جداااااا وجوسي اوي تتبيلته واضحه يعني الساندوتش مش مجرد شكل علي الفاضي 😍
EATO'S AKKILA
ده الوحش اللي غرقان في شلال الجبنه ومش هيقدر عليه غير اكيله بجد مش اي كلام ..
طبعا ده عبارة عن صاروخ مش ساندوتش عادي وفيه 3 قطع فراخ محشيه جبنه وغرقانين في بحر الجبنه الشيدر وصوص الهوني ماستر يعني ملوك اللغوصه يخلوا بالهم علي نفسهم ليغرقوا مننا 😂😂
LAVA CHICKEN
صاروخ تاني بس صغير شوية معمول للهواة والمبتدئين في عالم اللغوصه 🤩 ..
حته فراخ محشيه جبنه عليها التشيز هالبينو بوبس وغرقانين في صوص الشيدر والمايونيز وصوص السويت آند ساور .. 
الساندوتش ده ممتع بشكل مش طبيعي خصوصا للناس اللي بتستمتع بالصوصات الكتير مع الفرايد تشيكن 😋🤤
CHICKEN LA BAMB
عارفين انتوا الناس اللي بتحب الكوردن بلو بس دايما كان نفسها تلاقي فيها الجبنة زيادة شويه ..
اهي الناس دي هتنبسط اوي من الساندوتش ده اللي اخيرا هيخليهم ياكلوا اكتر ساندوتش شبه الكوردن بلو بس غرقان في صوص الجبنه
CHICKEN POPPERS
ده ال appetizer الخطير بتاعهم اللي لازم تطلبوه جنب اي ساندوتش ..
تشيكن ستريبس غرقانه في بحر الجبنه الشيدر اللذيذة ومعاها سلامي عامله ميكس في الطعم خطييييييييير
انتقل إلى أعلى