خميسكم فلة شوفو هاشتاقنا jeddah restaurants أيراني تقييم اليوم وصلنا من

خميسكم فلة شوفو هاشتاقنا jeddah restaurants أيراني تقييم اليوم وصلنا من 1

خميسكم فلة شوفو هاشتاقنا jeddah restaurants أيراني تقييم اليوم وصلنا من

 

خميسكم فلة
شوفو هاشتاقنا jeddah restaurants أيراني
تقييم اليوم وصلنا من azli113 السلام عليكم ورحمة الله وبركاته
زيارتنا البارح كانت لبيت المأكولات الإيرانيه اللي ع البحر مقابل معهد حرس الحدود (أعتقد انه حرس الحدود، والله مدري بس اهم شي انه معهد عسكر ) بعد ما استمتعنا بالجو الجميل ع البحر، اتفقنا نتعشى في بيتزا هت، وفعلا اتجهنا له، واول ما وصلنا وبقدرة قادر رحنا لبيت المأكولات الايرانيه قوة مغامرات
اول ما دخلنا شفنا المنيو فقاعدين نسأل هذا ايش وهذا ايش، كلها مشويات، فااااا اكتشفنا سبحان الله أن الاسم ايراني والطبق مشويات عادي من اللي نعرفه، أوصال وكباب ومن هالكلام يعني باختصار مطعم مشويات بس الاسماء ايرانيه
عندهم اشياء كثيره من ضمنها الشاورما ولاحظت ان كثير ناس قاعده تطلبها، حنا قلنا بنجرب مشوياتهم طلبنا صحن ماشوووويييياااااتيييي، لا لا امزح صحن مشويات بس نسيت الاسم الايراني حقه عباره عن كباب دجاج ولحم واوصال دجاج ولحم، (4 أسياخ) سعرها (75) وهذا الرئيسي، وطلبنا مقبلات حمص وشوربة بحرية وسلطة عبارة عن بطاطس وخضار ومعاها مايونيز
المقبلات كانت جيدة، بس الخبز كان بااارد، تقول مسويه أحمدي نجاد بنفسه ومرسله من من ايران قبل شهر وتوه يوصل، الحمص كان لذيذ، الشوربة خويي ما شاء الله عليه شوي ويرمي الملعقة ويجيب مصاص السلطة كانت كويسه، وتقييم المقبلات من ناحية الكمية والسعر والطعم 9/10
المشويات كانت حاره اول ما وصلت وطريه وجيييده، بس بسبب المكيف اللي يخليك تحس أنك في… طْرَيف! <<احسبه بيقول القطب المتجمد المهم بسبب المكيف بردت وصارت تقول مطاط، تقييمها من ناحية السعر والطعم 7/10 لان ممكن آكل مشويات في مكان ثاني أفضل منها بكثير السعر كويس والكمية كافيه اجمالي الفاتورة 128 ريال التقييم العام السعر 9/10 الطلب 8/10 المكان 5/10 (بسبب مكيفهم المخيس) الخدمة 9/10 (كانوا المصريين كويسين ولطيفين جدا، بس الهنود مدري بنقاليين كانوا بطيئين في الحركة ومكشرين تقول أني ماكل عشاهم)

 

خميسكم فلة شوفو هاشتاقنا jeddah restaurants أيراني تقييم اليوم وصلنا من 1


انتقل إلى أعلى