خلونا نسولف بأسلوب أطفال الروضة،، عندك بالبيت ثلاجة وحدة،، تحطين فيها

خلونا نسولف بأسلوب أطفال الروضة،، عندك بالبيت ثلاجة وحدة،، تحطين فيها

 

خلونا نسولف بأسلوب أطفال الروضة،،
عندك بالبيت ثلاجة وحدة،،
تحطين فيها الفواكة الزينة اللي تبي تنفعك وطازجة وتوك مشتريتهم
أو اللي قدمت وخربت وذبلت؟؟
طبيعي إنك تبي تنظفين ثلاجتك لما تصير تلمع وترتبين مقاضيك اللي توك جايبتهم من السوق،،
دولاب ملابسك أو خزانتك،،،تحطين فيها الملابس القديمة اللي صغرت عليك أو اللي بليت من اللبس أو الجديدة النظيفة المناسبة؟؟
طبيعي نحط فيها الزين اللي يبي ينفعنا ونلبسه،،،
بالضبط هذا اللي أبي أوصل له،،
عندنا عقل واحد،،،،
فيه ذاكرة واحدة،،
مركز تفكير واحد،،،
ليش نعبيه بأشياء غير مفيدة،،،
أو لاتعنينا،،من قريب أو من بعيد،،،
فلانة المشهورة أو ربما اللي مو مشهورة لكنها اللي ماتعنينا ولا لنا فيها أي علاقة مخطوبة،،،
علانة تزوجت،،،
توظفت،،،تطلقت،،،
سافرت ،،،رحلت،،،
اشترت،،،باعت،،،
أشياء تافهة وما تخصنا لا من قريب ولا من بعيد
عندنا بالمخ مساحات محددة،،،
فليش مانحط فيها كل ما له علاقة بنا فقط ويفيد وينفع،،
ولأجل ذلك لما كان النبيُّ صلَّى اللهُ عليه وسلَّمَ يَأمُرُ بمَكارمِ الأخلاقِ ويُحذِّرُ ويَنْهى عن سَيِّئِها
قال ؛(إنَّ اللَّهَ كَرِهَ لَكُمْ ثَلَاثًا: قيلَ وَقالَ، وإضَاعَةَ المَالِ، وَكَثْرَةَ السُّؤَالِ)
فجعل أوَّلُها: «قيل وقال»، أي: الإكثارُ مِن الكلامِ بلا ضَرورةٍ، أو حِكايةِ شَيءٍ لا يَعلَمُ صِحَّتَه، أو الكلامُ فيما يضُرُّ ولا يَنفَعُولهذا فأنا أعتقد
أقول،،أعتقد،،
أن غالب أحاديث وحوارات مجموعات الواتساب من ذلك (القيل والقال) أو الأحاديث الفضلة من القيل والقال التي لا تنفع،،،
فالواجب التقليل منها ،،،
ومحاولة شغل حيز عقولنا بما ينفع أو يفيد أو على أقل الاحتمالات (فيما يخصنا نحن ولا يخص غيرنا)

 

الموضوع منقول



انتقل إلى أعلى