خطوة جمل ‏ camelstep وأخيراً خطوة جمل في أبها بعد فروعهم

خطوة جمل ‏ camelstep وأخيراً خطوة جمل في أبها بعد فروعهم

 

خطوة جمل
‏ camelstep
وأخيراً خطوة جمل في أبها بعد فروعهم في الرياض وجدة والخبر مبدئياً هي من أولى المحامص تقريباً من 2014 وخلونا نجي لتصميم فرع أبها يا جماعة شي مو طبيعي صح عندي ملاحظات بذكرها ولكن يبقى المكان مُبهر فعلاً استعمال الأخشاب والصخور وأعواد القصب حتى إضافة المراوح أعطت المكان طابع ريفي مذهل حبيت حبيت كذا فيه ستايل كوفي ياباني بالموضوع! بس ناقص الطاولة الأرضية هذيك
ملاحظتي على الجلسات محدودة أولاً ثانياً ملاصقة لبعض شوي لوهلة تحسون إنكم بعيادة مستشفى والطاولة الداخلية الكبيرة كأنها طاولة اجتماعات ما ادري ممكن يبون يوصلون فكرة! مكان اجتماعي مثلاً
الطلبات كانت كالآتي:
طبعاً فقط يقدمون القهوة بأنواعها
فلات وايت كان مضبوط جداً ونوع البُن مرة عجبني واكتشفت انهم يغيرون في نوع البُن مو ثابت لأن جربت مرة ثانية كان مختلف المذاق
آيس لاتيه اذا تبونه حالي تقدرون تضيفون عليه سيرب طبيعي كذا كأنه عسل اضفناه بكمية متوسطة في البداية حالي بس بعدين يختفي ويصير حلو للي يحبون الآيس لاتيه طبعاً
‏V60 اثيوبية☕️ كنت ابي البنما قيشا بس كانت مخلصه من فترة وفيه ثلاثة أنواع تقريباً للمقطرة حبيت الاثيوبيه بس حمضية بزيادة شوي
بشكل عام تجربة جميلة ومكان جميل كذا التصميم فيه شي يجذبكم موقعه فيه صعوبة بإيجاد مواقف وزحمة المكان كل وقت وعندهم معمل للتدريب وركن لبيع محاصيلهم الموسمية وأدوات القهوة ويقفلون 11! المفروض مثلاً 12 كذا شي غريب صراحة كل فروعهم بعد تقفل 11 قبل منتصف الليل
موقعهم في أبها حي المفتاحة طريق الملك سعود ويطلع لكم بقوقل ماب
❗️تذكروا لولا إختلاف الأذواق لبارت السلع
كيف كانت تجربتكم عندهم؟ وايش الطلب إلي عجبكم؟

 






اترك تعليقاً

لن يتم نشر عنوان بريدك الإلكتروني.