حريق في شركة المياه الوطنية يارب أستر تقييم اليوم وصلنا

حريق في شركة المياه الوطنية يارب أستر تقييم اليوم وصلنا

 

حريق في شركة المياه الوطنية
يارب أستر
تقييم اليوم وصلنا من صديقنا الدائم hamzagaroub المطعم : بياتو
الموقع : طريق الملك
تقييم خفيف على حسب طلباتنا الخفيفة على الجيب والمعدة المهم ياسادة كنا شخصين ونبغا شيء خفيف وظريف وتكون جلستو تفتح النفس
بالرغم انو مطعم إيطالي طلبنا طلبات بعيدة عن الرافيولي والفوتيتشيني والإسباجيتي والعقاب كان إنو ماقدمولنا السلطة الشهيرة حقتهم والعيش حقهم ولسان حالنا يقول ” أصلا مو طعم ” كلامك كتير ياخي وخش في الطلبات لو سمحت ، حاضر ياسيدي ولا تزعل بس عندي طلب لا تقولي ليش تكتب ” لزيز ” حاضر محا أقولك ، لأنو كل واحد عنده لهجته وعادته وثقافته الخاصة بيه
شكراً والطلبات كانت :
١) صحن خرشوف وسبانخ : طبعا الطبق دا لزيز ، يجي معاه خبز مقرمش لو لحقتو من البداية ويحطولك عنب جمبو السعر : 56 ريال
٢) موزيرلا : الطبق جيد ، طبعا الصوص الأحمر المفروض تحت الموزيريلا بس أنا كل مرة أروح للمطعم أطلبها برة السعر : 49 ريال
٣) بطاطا مهروسة مع الثوم : نصيحتي لا تفوتك وهيا حارة لأنو لو بردت مش حتكون لزيزة السعر : 14 ريال
٤) توسكان خضار : الطبق دا لزيز بزاف طبعا لمين ، اللي يحبو جبنة الماعز والخضار المشوي نخش في مكوناته : بروكلي وباذنجان ٥) سفن : 12 ريال
٦) مويا : 12 ريال
المجموع : 191 ريال وكل عام وانتو بألف خير وأدوها من القهوة باللوز
ونشوفكم مع تقييم آخر مع حمزاوي القانونجي
jeddah restaurants أيطالي

 

انتقل إلى أعلى