حبينا نستغل عرض يوم الاحد من المطعم دا، واحد ماكي او

حبينا نستغل عرض يوم الاحد من المطعم دا، واحد ماكي او

 

حبينا نستغل عرض يوم الاحد من المطعم دا، واحد ماكي او سوشي والثاني مجانا
كيكن keiken sa
للامانة اول مرة اجربه، وصعب احكم عليه من مرة، بس حاقولكم رايي في الاطباق اللي طلبتها
طلباتنا كانت لوبستر تاكو، جمبري واسابي، و٤ انواع ماكي
المحل قد يكون ممتاز ومحبينه كثير، انا للاسف ما ناسبني بشكل عام لسبب واحد، الواسابي مايونيز وللاسف يحطوه في اشياء مرة كثير، وبالتالي اغلب الاكل ما استمتعت فيه
اللوبستر تاكو ٣ حبات تاكو ومخلوط مع واسابي مايونيز، الفكرة جيدة، بس انا ما ناسبني
واسابي جمبري، مقلي كويس، حجمه كبير، يعني جيد مو رهيب
تمبورا رول، جمبري مع صوص ترياكي، بالنسبة ليا احسن واحد فيهم، مع انه ما يعجبني في اغلب محلات السوشي، بس عندهم كويس
كاتسو ماكي، مقلي، وسطه جمبري، طعمه جيد
ديناميت ماكي، جمبري مقلي بصوص حار، كويس
ساموراي ماكي، جمبري وكراب، سبايسي، برضو كويس
صحن الماكي فيه ٤ حبات في حدود ٤٠ ريال، المقبلات تقريبا ٦٥
حبات السوشي كبيرة، الواحد ممكن ياكل ٨
الجيعان يدعس
الاكل في علب بلاستيك ب غطا، محكمة الاغلاق، ويجي معاها علب بلاستيك فيها الصويا والواسابي، الكيس مغلق من المطعم للحماية
طلبنا عن طريق كريم، توصيلهم سريع، ووصلت الطلبات المجانية زي ما طلبنا
** كيكن اسم كبير في مطاعم السوشي، قد اكون ما اتوفقت في الاختيارات او نكهاته ما ناسبتني، للامانة لو اشتهيت ماكي وسوشي حاطلب من غيرهم، بس ممكن اجربهم في اطباق رئيسية او مقبلات اخرى
ايش مطعم السوشي المفضل عندكم ؟
اكلك في بيتك جدة مطعم مطاعم توصيل ديليفري اكل جيعان جوعان كريم هنجرستيشن تويو وصل لقمتي مرسول سوشي
‏ jeddah restaurant delivery food hungry careem hungerstation toyou wssel lugmety mrsool sushi

 






اترك تعليقاً

لن يتم نشر عنوان بريدك الإلكتروني.