تي جي فرايداي جدة




تي جي فرايداي جدة

 

محل امريكي قديم معروف ومافي احد ما جربه او سمع عنه
@tgifridaysksa @tgifridaysme
قررنا نجرب وجبة الافطار، والعرض دا بيسووه كل فترة بس يغيرو اسمه
طلبنا العرض الرمضاني الكبير
٥ انواع مقبلات مع ٣ اطباق رئيسية
المقبلات:
سلايدر لحم، برجرين حجمهم صغير مع بصل مقلي، طعمهم جيد والعيش طري، انصح بيه
اصابع موزاريلا، غيرو النوع المستطيل حق زمان والطعم اختلف شوية، حسيناها عادية
كرات الماك اند تشيز، كمان طعمها عادي، تحتاج صوص خاص افضل من كده
ناتشوز بالجبنة، كمية الجبنة كبيرة ومناسبة لو لكم فيها، لكن طبعا بدون دجاج او لحم
بافلو بايتس، تجي قطع دجاج صغيرة بتتبيلة البافلو، مافيها صوص كفاية، اتوقع الاجنحة العادية حتكون افضل
الاطباق الرئيسية:
سلطة يوكاتان بالدجاج، فيها خس وطماطم وافوكادو، الصوص اللي معاها ما ناسبنا الصراحة، وبدون الصوص طعمها عادي، في رايي تحتاج صوص ثاني
كيجن باستا الدجاج والجمبري، مكرونة لنغويني، هذي طعمها لذيذ ودايما نطلبها، فيها حرارة خفيفة
تويستد تشكن، مكرونة اقلام مع دجاج مقلي، كويسة بس كنت اتمنى الكريمة تكون اكثر واثقل وكمان جبنة زيادة
سعر العرض ١٤٩ ريال
ويكفي تقريبا ٤ اشخاص

الاكل في علب بلاستيك مغلقة للحماية، وكمان الاكياس مقفلة ب لصق
الطلب كان من تطبيق كريم، طلبنا الساعة ٥:٣٥ دقيقة ووصل قبل الاذان ب ٥ دقايق
موجودين كمان في تويو، جاهز، وهنجرستيشن
** فرايدايز اسم معروف، نوعيّة الاكل اللي يقدمه تكون افضل في المطعم من البيت، خصوصا المقبلات، اللكل بشكل عام عادي، انصح بالكيجن باستا، والطلب من كريم ممتاز وممكن تستخدمو كود
هل جربتو تاكلو من هذي المطاعم في البيت قبل كده ؟ وكيف كانت تجربتكم ؟

 

انتقل إلى أعلى