تقييم ولا أروع وصلنا من aotorgi بسم الله الرحمن الرحيم والسلام

تقييم ولا أروع وصلنا من aotorgi بسم الله الرحمن الرحيم والسلام

 

تقييم ولا أروع وصلنا من aotorgi
بسم الله الرحمن الرحيم
والسلام عليكم و رحمة الله وبركاته اسعد الله يومكم بكل خير يا رب ، جيكم بتقيم اليوم قد لا يسر بعض المعجبين بالمطعم فانا في فتره تقيم للمأكولات المشويه او المشاوي ، طبعا في جده محلات الشوي عد واغلط وكل محل له فيه ميزه وسر عن غيروا وتجاربي حتكون لمحلات عشوائيه اضافة لسمعة المطعم عند اغلب الناس ، بمعنى اسال صديق او قريب انت اش تفضل محل مشويات يقولي المكان الفلاني وحتجه له زيارتي كانت لمطعم اسطنبولي الي في جده حي المروه طبعاً معروف لدى الاغلب وكانت طلباتنا كالتالي:
اولا: مشاوي السلطان
يحتوي على قطعه من كل نوع ( كفتة لحم اسطنبولي ، كفتة لحم بالقشقوان ، اوصال لحم ، ريش ، شاورما لحم ، ستيك ، كفتة دجاج ، شريحة دجاج مخلي ، شيش طاوق ، شاورما دجاج ، طماطم وفلفل مشوي ، رز في صحن خارجي ، صحن مشكل من المقبلات والسلطه ، كنافه ، ١ عصير ، ١ مويه )
طبعاً زي منتو شايفين الصحن متروس ماشاء الله ويكفي شخصين براحه لكن نتكلم في جودة ومذاق الاكل ، بصراحه وتقيمي بشكل شخصي يمثلني انا يستاهل ١٠/٥ والسبب كتالي :
كفتة اللحم النوعين والاوصال والاستيك طعمهم واحد بس نوع عن نوع البهار زايد فيه صنف وغير كدا كميات الدهون الي فيه شي تتعب المعده وهدا الي بعاني منه الان الدجاج بجميع انواعه كله زي بعض الشيش طاوق مافي نكهى ولا طعم ولا تتبيل وناشف الدجاج المخلي زيه يعني قطع دجاج اتشوحت ع نار وخلاص جميع ما سبق يفتقر الى الملح بدرجة كبيره
الرز ماعجبني لانه مايل للاصفرار ونوعية الرز ما احبها الي هيا اعتقد ابوبنت
صحن السلطه والمقبلات
فتوش-> بالاسم فقط لمن الموجود كيلو من البقدونس فقط مع ملعقة برغل بدون زيت او ليمون
حمص-> قد يعجب البعض لانه اعداد محلي في المحل وحبات البليله غير مطحونه بشكل كامل ومافيها اي طعم غير انها بليله مطحونه
مكرونه بالمايونيز-> مسلوقه وحاطينها في مايونيز عاديه حدا
متبل-> ممتاز ولكن يفتقر للملح
بابا غنوج -> طعمه معتدل ويفتقر للملح
العصير وكان برتقال ممتاز لانه فرش
الكنافه تستاهل ١٠/٦ ما كانت حاره وشيرتها قليل
ملحوظه: المدام عجبها الاكل ماعدا الدجاج ☺️ ثانيا: اسكندر لحم
جميل لكن مافيه شي اقول عنه انه الافضل مقارنة بفروع اخرى تعمل اسكندر ما يعتبر التوب يستاهل ١٠/٧ والسعر ناسيه لكن مقبول
وهدا والحمدلله على جميع نعمه ، لكن للاسف انها تجربه سيئه بالنسبه ليا وما افكر ارجع له ابداً ، و ان شاء الله اختياري القادم ينول على رضائي و رضاكم
حساب للطبخ dhom bagies2015
dhom bagies2015

 

الموضوع منقول



انتقل إلى أعلى