تقييم منوع وجميل وصلنا من wes w t عشانا متنوع و

تقييم منوع وجميل وصلنا من wes w t عشانا متنوع و

 



تقييم منوع وجميل وصلنا من wes w t
عشانا متنوع و مشكل يحبه قلبكم من داخل حي السلامة ، متَّرت حي السلامة رايح جاي الين ما طفش مني ساهر اللي عند الاشارة و قالي يرحم امك عدي ماني مصورك بس فكني ١- مطعم عيش باللحم :- أول تجربة لي شخصيا مع هذا المطعم ، و قررت اجربه بعد ما شفت الكل تقريبا يمدحه و يثني عليه طلبت واحد عيش باللحم حجم كبير ٤٨ ريال ٩٥/١٠ بصراحة شي متااااع و لذييذ جدا و اللي محلي الموضوع الخلطة المتوازنة في المكونات و المليانة في الكمية فوق العجينة ، و لكن ملاحظتي عليه فقط هو زيادة النار على العجينة من اسفل حتى تتحمر او تتقرمش بشكل خفيف و بكذا تكمل ، و اللي عجبني في المطعم انه شباب سعوديين بشوشين و دمهم خفيف واقفين على شغل المطعم ، مقضيها معاهم ضحك و هروج الين ما ينتهي الطلب لا يفووووتكم
٢- شاورما و عصيرات البرج :- الموقع / حي السلامة شارع عبدالرحمن السديري مقابل عيش باللحم ايضا اول تجربة لي شخصيا مع هذا المطعم بعد ما شفت الاقبال الشديد عليه – شاورما لحم ٣/١٠ كانت دون المستوى المطلوب بصراحة و طعمها لم يعجبني ابدا – شاورما دجاج ٧/١٠ طعمها جيد جدا – مطبق دبل بالجبنة البلدي ٩/١٠ على حسب رأي الوالد و الوالدة
٣- مطعمين مختلفة للزربيان و ذلك للتقييم فيما بينهم و رؤية الأفضل :- – مطعم ركن الزربيان :- حي السلامة شارع عبدالرحمن السديري بعد بيت الشواية و مقابل بيتزاهت نفر زربيان ١٦ ريال ٩٥/١٠ يعتبر الافضل في تقديم الزربيان بالنسبة لي شخصيا و يمتاز الزربيان بكثرة الخلطة المكونة الرز مما يعطيه طعم و لا اروع – مطاعم الزربيان :- حي السلامة شارع عبدالرحمن السديري بعد محل عيش باللحم نفر زربيان ١٦ ريال ٧/١٠ بصراحة كان جيد و لكن يفتقر الى الخلطة المميزة و الطعم الرهيب زي اللي في ركن الزربيان
٤- حلويات المهاوي :- – السلورة / او حلاوة الجبن اعتقد :- ٩٥/١٠ جدا ممتازة و لذيذة و طرية سعر الكيلو ٦٠ ريال – بسبوسة بالقشطة :- ٩٥/١٠ ايضا ممتازة و لذيذة و طرية و غنية جدا بالقشطة ، و شخصيا اشوف يحتاجلها لشيرة زيادة ٦٠ ريال للكيلو الواحد

 



اترك تعليقاً

لن يتم نشر عنوان بريدك الإلكتروني.