تقييم لاسترجاع الماضي والذكريات وصلنا من حبيبنا wes w t و

تقييم لاسترجاع الماضي والذكريات وصلنا من حبيبنا wes w t و

 

تقييم لاسترجاع الماضي والذكريات وصلنا من حبيبنا wes w t
و من جدة الى مسقط رأسي مكة المكرمة ، و بين شعابها و أحيائها ، و بعد ما كديت على كم نفر و جمعتلي شوية قرنقش حلوين ،ضربني الجوع و اخدتلي فرة حلوة على كم مكان في بالي زكرني بأيام طفولتي اللي عشتها في احضان سيدي و ستي الله يرحمهم و يرحم اموات المسلمين ، و بداية فرتي كانت في :- (( مخابز بدر الكهربائية )) معروف في مكة كلها و منتشر في اراضيها في حي العتيبية – شارع الحجون ، و حي الخالدية ، و يقال بأن فرع حي الشوقية تابع لهم ؟؟ المحل يبيع جميع المخبوزات من عيش و كيكات و معجنات و حلويات و سندوتشات الجبنة الصفرا و البيضا المشهورة بريال واحد ، بالاضافة لبريك الجبنة او زي ما يسميه اغلب اهل مكة ( بف الجبنة ) اللي يجيك حار من الفرن يقرمش من برا و يدفي لسانك بطراوته من جوا مع الجبنة البيضا الحادقة الذايبة ٩/١٠ و الاسعار ممتازة بعدها لميت اغراضي في زمبيل و اتزكرت عمنا الحبيب ابو سمبوسك (( العم سرور )) المعروف بسمبوسك البيض و الكرات اللي يسويها بعجينة خفيفة مقرمشة طرية ، رحتله طيارة عالمحل اللي في شارع الستين ، و اخدتلي ٥ حبات سمبوسك محشية بيض و كرات تقرمش قرمشة و بعدها فمك
يقلب مجس و مزمار مع الحشوة المتاع ٩/١٠
و قبل ما أمسك الخط على جدة ، شميت ريحة رهيبة عجيبة جاية من خلف مسجد بن نصير عند الاسكان و تحديدا عند سنتر بوينت خلف سوبرماركت بنده ، و لما التفت عليه لقيته حبيبنا الدومان راعي الكباب الميرو اللي يقلي و يرميلو ✌️عيوني دمعت لما لقيته حسبته راح مع الهدد ايام ما كان في القشلة ، اتاريه نقل من مكانه و جا هنا رحتله جري و قابلني صاحب المطعم بلهجته المكاوية العتقية اللي سجلي في الورقة نفر كباب ميرو لحم و نفر دجاج مع العيش و زلطة الطحينة و زلطة البيض و الموية و البارد و كان كله ب ٢٦ ريال بس – ١٠/١٠ – اللحم ما عليه الكلام لا يعلى عليه ، لحم جملي مع الدخن طري لابعد درجة و طعم اللحمة واضحة ، اما الدجاج حبيت اجربه بما انه شي جديد اول مرة اسمع عنه و كان جيد لا بأس و لكن عيبه انه طعم الدخن جدا قوي و على طول صار ناشف (( ألا ليت مكة تعود يوما )) حياكم الله في حسابي للطبخ تابعوني
dhom bagies2015 dhom bagies2015

 

الموضوع منقول



انتقل إلى أعلى