تقييم رمضاني لفطور مطعم المنقل وصلنا من emma review ريڤيو لفطوري

تقييم رمضاني لفطور مطعم المنقل وصلنا من emma review ريڤيو لفطوري 1

تقييم رمضاني لفطور مطعم المنقل وصلنا من emma review ريڤيو لفطوري

 

تقييم رمضاني لفطور مطعم المنقل وصلنا من
emma review
ريڤيو لفطوري في مطعم المنقل | حي النعيم شارع الأمل المطعم لي تجارب فيه للغداء و المره هذي تجربتي كانت لفطور رمضاني
almangalgourmet
المطعم هادي و رايق ، الطاقم ودود و الخدمه ممتازه
الفطور عباره عن ست منيو – اول شي يتقدم اللبن و المويه و التمر والقهوه و اختيارك من العصير “ليمون توت – جلاب” او مشروب غاز | فيه كونر للقهوه العربي مع التمر و الطحينه ، القهوه ممتااازه سخانين للشوربه “شوربة عدس و شوربة دجاج”
بعدها تتقدم السلطه وتكون من اختيارك “فتوش او تبوله” انا اخترت فتوش لاني قد ذقته عندهم و حبيته – صحن مقبلات عباره عن “حمص ، فول ، تبوله” و حبيت اكثر شي الحمص و المتبل + فطائر المنقل “سمبوسه بالجبنه ، سبموسه باللحمه ، سبانخ ، فلافل” سبموسة اللحمه و الفلافل مره لذيذه
بعدها الطبق الرئيسي “٣ اسياخ لكل شخص ، سيخ كباب لحم ، سيخ اوصال لحم ، سيخ شيش طاووق مع اختيارك من الرز او الخبز و البطاطس” المشاوي نظيفه و لذيذه و اوصال اللحم من أطيب ماذقت و الخبز جداً طري و واضح مخبوز عندهم تتقدم مع صوص الطحينه و ثوم و مخلل
اخر شي كان من نصيب الحلا “قشطليه و قطايف” القشطليه طيبه بس القطايف تمنيت يضيفو لها شوية مكسرات لوز او فستق مع رشة عسل اتخيل بتكون ألذ بكثير
السعر للشخص ١٢٥ ريال
للاطفال ٦٥ ريال
بشكل عام تجربه حلوه و مو اول مره أزورهم و دايماً مستواهم ثابت

 

تقييم رمضاني لفطور مطعم المنقل وصلنا من emma review ريڤيو لفطوري 1










انتقل إلى أعلى