تقييم جميل وصلنا من صديقنا وحبيبنا hamzagaroub المطعم : تكساس رود

تقييم جميل وصلنا من صديقنا وحبيبنا hamzagaroub المطعم : تكساس رود

 

تقييم جميل وصلنا من صديقنا وحبيبنا hamzagaroub المطعم : تكساس رود هاوس
الموقع : شارع التحلية – مجمع الشايع
في البداية يضيفوك بفول سوداني لا تكترو منو عشان لا تشبعوا تجربتي للمطعم دا كانت في أمريكا وجدة بس وجهة نظري تقول جدة أحلى وأفضل ❤️ في أمريكا لمن تخش المطعم تشوف قشر الفول السوداني مرمي على أرضية المطعم لأنهم مايجيبو لك سطل ترمي فيه إلا اذا طلبت بس برضوا مالو فايدة لأنو الدنيا معدومة
المهم ياسادة نخش دغري في الطلبات وكانت طلباتنا كالآتي :
١) طبق مقبلات تختار منو ثلاثة أنواع ، إختيارنا احنا كان : البطاطس المغطى بالجبنة واللحم المقدد وكرات الجبنة ودجاج مقرمش الطبق كان لزيز بزاف ١٠/٩ السعر : ٥٨ ريال
٢) سلطة دجاج : مكوناتها ماشاءالله كثيرة ١٠/٨ السعر : ٥٠ ريال
٣) فيليه مع ضلع لحم وبطاطس مهروسة وسلطة ملفوف وطبق جمبري إضافي : ماشاءالله الطلب يكفي لشخصين براحة العهدة على الراوي انو كان طعم ولزيز السعر : الطبق مع إضافة الجمبري : ٢٤١ ريال
٤) لحم ضلع مع بطاطا مهروسة وسلطة ملفوف ، برضوا العهدة على الراوي انو كان طعم السعر : ٢٣٥ ريال
٥) بيف برسكت : جربت منو قطعة وكان لزيز وخفيف ، تجي شرائح مقطعة وجمبها بطاطس محشوة بالجبنة واللحم المقدد السعر : ١٠١ ريال
٦) طبقي المفضل في المطعم دا سيرلوين : تجي قطعة اللحم كبيرة ، وجهة نظري اطلبها ميديام ويل طبعا أضفت عليها عود جمبري لزيييز جدا وتجي مع قطعتين عيش مدهن بالزبدة ويجي كمان معاها سيزر سلط وبطاطس السعر: ١٥١ ريال
٧) شوربة بطاطس : العهدة على الراوي انو كانت جيدة نوعاً ما السعر : ٥٢ ريال
المشروبات :
١) ليمون نعناع : ٢٣ ريال
٢) كوكتيل : ٢٣ ريال
٣) فراولة مرجريتا : ٢٦ ريال
٤) توت مرجريتا : ٢٦ ريال
٥) طلبي كان ليمون مرجريتا وكان منعش وعلى قولة المصارية ( رويش ) ٢٦ ريال
وحلينا ببراوني لم يكن إختيار موفق أبدا ، الكيكة كانت قاسية السعر : ٣٦ ريال
المجموع : ١٠٤٨ ريال
ملاحظات : أطباقهم ماشاءالله كبيرة جداً وأطباقه الجانبية كتيرة فينا يخص الخدمة كانت ممتازة ، كان عددنا كبير والشخص المسؤول عن طلباتنا كان لطيف وبشوش وإسمو عبيد الله
نشوفكم مع تقييم آخر بإذن لله مع حمزاوي القانونجي jeddah restaurants أمريكي

 

الموضوع منقول



انتقل إلى أعلى