تقييم جميل وصلنا من صديقة الحساب weem2 girl السلام عليكم

تقييم جميل وصلنا من صديقة الحساب weem2 girl السلام عليكم

 

تقييم جميل وصلنا من صديقة الحساب weem2 girl السلام عليكم آجمعين بعد طول غيبة (بس مو قطيعة) رجعنا لتقييم المطاعم،، بصراحة صرت اوكل هادي المهمة لزوجي fouad hareth اكثر شي لانو صار متخصص وكدا يعني مطعمنا اليوم لسه افتتاح تجريبي
isabellasksa
isabellasksa
هوا كان مفتوح قبل كدا خلف شارع البترجي-حي الزهراء
بس حالياً موجود في شارع صاري قبل كوبري مكتبة جرير ع اليمين
نبدا التقييم:
المقبلات
١- Breaded shrimp جمبري مقلي تقريبا ٥-٦ قطع مقلية جيداً مع كوكتيل صوص ١٠/٧
٢- cheese sticks لذييييذه كنا نحسبها بتجي اصابع بس جات كبيييرة كأنها بيتزا شي جنان ١٠/٩
٣- boneless wings اجنحة دجاج بدون عظم استواءه ممتاز وطريه جداً وعليها صوص حامض حلو مع بلو تشيز صوص ١٠/٨
اخذنا طبق واحد رئيسي لأنو المقبلات كثيرة
Lasagne Alforno- لازانيا ❤️❤️ اتعب واقول لذييذة ومع الحشوة جبنه جميييلة ولذيذه تكفي من شخص لشخصين ١٠/٩
المشروبات
فروزن ليمون بالنعناع- ايس تي – ميرندا ( قدموا لنا حلا “تيراميسو” كـ ضيافة جميلة من عندهم وكان لذيييذ برضه ❤️) المنيو متنوع عندهم شوربات-سلطات-مقبلات-اطباق رئيسيه-مكرونات- وعندهم انت تختار كيف تبغا وتحب البيتزا بمزاجك واختياراتك المطعم كان رايق مافي الا احنا وعايلة ثانية بس
الخدمة ممتازه والويترز واقفين مستعدين في اي لحظه تطلبهم
السعر ٢١٩ ريال لـ ٣ اشخاص اطباقهم اسعارها متوسطة الى مرتفعه
لايوجد بارتشن
لايوجد واي فاي
يوجد قسم للافراد في الدور الثاني
ووسلامتكم طابت ايامكم بخير ❤️ jeddah restaurants أيطالي

 

انتقل إلى أعلى