تقييم جميل جداً وصلنا من الجميل hamzagaroub المطعم : كوشي باشي

تقييم جميل جداً وصلنا من الجميل hamzagaroub المطعم : كوشي باشي

 

تقييم جميل جداً وصلنا من الجميل hamzagaroub المطعم : كوشي باشي
الموقع : حي الروضة – أمام مجمع نجمة الروضة
التقييم ياسادة الأعزاء بعد زيارة المطعم مرتين وماأجملها ولله الحمد رحنا المطعم المرة الأولى بعد صلاة العشاء مباشرة وطبعاً ماكان فيه زحمة ، والمرة الثانية كانت على الساعة ١١:٣٠ تقريباً وكان بزاف زحمة المهم نخش دغري في الطلبات ياسادة :
١) علي نازيك : قطع صغيرة من لحم الغنم المشوية تقدم مع اللبنة والثوم والباذنجان ، تعتبر من المقبلات الساخنة ١٠/٨ السعر : ٤٢ ريال
٢) أقراص كبة : جداً لزييييزة وطعمة ، تجي ٤ حبات والغريب انها مسلوقة بس برضوا رهيبة ١٠/١٠ السعر : ٢٣ ريال
٣) سميزوتو : طعمه كان رايق جداً ومكوناته : أوراق البقلة الندية المتبلة بالزبادي وزيت الزيتون والثوم ١٠/٨ السعر : ٢١ ريال
٤) سلطة التوروس : صراحة طبق جبار ولزييييز بزاف لعشاق السلطاات ❤️ نخش ياسادة في مكوناته : جرجير – بصل الأخضر – نعناع – طماطم – بقدونس كلها دي ملخبطة بالسماق مع صلصة الرمان ❤️ السعر : ٢١ ريال
٥) ريش غنم : بإختصار لزيييييزة ١٠/١٠
٤ قطع ريش تجي في الصحن ، السعر : ٦٥ ريال
٦) شاورما لحم ( دونير ) : تجيك شرائح من اللحم البقري والغنم ، حاجة ماتتفوتش ابداً السعر : ٤٢ ريال
٧) مشاوي مشكلة : مكونة من ١١ سيخ ياسادة وهي : ٣ أسياخ شيش طاووق / سيخين كباب دجاج / سيخين كباب غنم / سيخين أوصال غنم / سيخين لحم بقري مشوي مع حلقات البصل
يكفي ٣ أو ٤ أشخاص بالراحة والطبق شكلو يجيب الراحة كمان السعر : ٢١٩ ريال
٨) إسكندر : روعة جداً ، يجيك الطلب في طاوة تقدر تطلبو كباب او شاورما ، تجي مع الخبز التركي المقطع والزبادي وصلصة البندورة السعر : الصغير / ٦٢ ريال ، الكبير / ١١٩ ريال
العصيرات : في المرة الأولى والتانية طلبنا عصير العنب الأحمر ، بصراحة شي لزيز مرة وجربوه ياسادة والحياة تجارب الحلويات :
١) قطائف باللوز : حاجة خورافة تجيك حارة وفوقها آيس كريم
٢) كنافة محشية جبنة تركي ومن فوقها قشطة تركية ، الزيارة التانية طلبنا فوقها آيس كريم وكانت برضوا خورافة ٣) سميد محشوة بالآيسكريم : إختيار لم يكن موفق ٤) آيس كريم : عندك ٣ نكهات فقط : ڤانيلا ، فراولة و شوكولاتة
ملاحظات : العيش يجيك حار ويجي نوعين أبيض وأسمر ❤️ بعد ماتخلص الأكل عندهم ضيافة مجانية للشاي وفيه ريفيل الخدمة ممتازة جداً
ختاماً كل عام وأنتم إلى الله أقرب
ونراكم في تقييم آخر تحياتي لكم ياسادة من حمزاوي القانونجي dhom bagies2015

 

الموضوع منقول



انتقل إلى أعلى