تقييم جميل اليوم وصلنا من حبيبنا الشيف ahmadmesawa تقييم ” جوفرو

تقييم جميل اليوم وصلنا من حبيبنا الشيف ahmadmesawa تقييم ” جوفرو

 

تقييم جميل اليوم وصلنا من حبيبنا الشيف ahmadmesawa تقييم ” جوفرو ”
تقييم احمدمساوى
عنوانه:
١- فرع مكة مول
٢- فرع في في محطة الفتح (اسماك الدانة) أول محطة في الطريق من مكة إلى جدة
وفيه فرع ثالث قريب من سوق الضيافة
في أحيان نادرة تتفوق مكة على جدة في بعض المأكولات المرتبطة بالموضات العالمية الجديدة (طيب يا مكة حقنا ) ، وهذا أحد الأمثلة القوية
تعرفوا الفرق بين الوافل الأمريكي والبلجيكي؟
طيب تعرفوا الفرق بين وافل جوفرا البلجيكي ووافل بروكسل البلجيكي برضه؟
تفضلوا هذي المعلومات من محل “جوفرو” مع لمساتي:
١- الوافل الأمريكي هو الأكثر شهرة وإنتشاراً بسبب سلاسل المطاعم العالمية ، قوامه خفيف ومشابه لقوام الكيك ، والطريقة مستوحاة من وافل بروكسل وأنعملت بخليط البانكيك الأمريكي من خلال مطعم “مويس فرميرسك” في عام 1964م٢- وافل بروكسل الأكثر شهرة وإنتشاراً في أوروبا ، وإنتشاره أقل من الوافل الأمريكي ، وهو منتشر في كل مكان في بروكسل ويتقدم مع السكر الناعم أو الفواكه عادة
٣- الجوفرا البلجيكية يرجع تاريخها للقرن الثامن عشر وهي أقدم نوع معروف ، لكنها الأقل إنتشاراً ، وهذا النوع تكون عجينته سميكة وتتقدم سادة عادة او مع أي إضافات
النوع الثاني هو أكثر نوع أكلته في بروكسل وما شفت الجوفرا كثير
في طريقي من مكة لجدة مريت على “جوفرو” عشان أشوف ايش الهرجة ، ومن وقتها قررت اني راح أرفع عليهم قضية لو ما فتحوا فرع جنب بيتي
وهذا التقييم:
١- جوفرو ” سادة ”
السعر: ٧ ريال
تقييمه ١٠/٨
الوصف: هذي التجربة المثالية اللي تقدر تتعرف من خلالها على الجوفرا على أصولها ، القوام على الرغم من ثقله الا انه ماهو عجيني ويُعتبر ناعم وفيه طبقة تحميرة رائعة ومقرمشة من برة ، الطعم حلو والنكهات تحسسك بإفطار الصباح ويعطيك دفء وعمق كأنك قاعد في غابة أوروبية
٢- جوفرو ” بالشوكولاته والفواكه ” السعر: ١٩ ريال
تقييمه ١٠/٩
الوصف: يا رباه الجوفرا اللي وصفتها سابقاً غطوها بشوكولاته وفوقها فواكه طازجة ومنعشة حاجة من عالم ثاني ، الفواكه تكسر حدة الشوكولاته ، والشوكولاته خلقت جسر لذيذ ربط بين الفواكه والجوفرا ، قسم الطعم ساحر
معدل السعر للشخص حوالي = ١٣ ريال
إيجابيات:
١- جودة عالية
٢- سعر مناسب
سلبيات:
١- ما فتحوا في جدة
التقييم العام = ١٠/٨
(أتمنى أشوفلهم فروع في جدة ، وحالياً اللي يعشق الجوفرا ترا يستاهل تضرب له مشوار لمكة ) كاتب وناقد طعام
عضو: “رابطة صحفيي الطعام” الأمريكية
jeddah restaurants كافيهات

 

الموضوع منقول



انتقل إلى أعلى