تقييم اليوم وصلنا من tifa3badi اليوم كانت اول زيارة لمطعم أمريكانو

تقييم اليوم وصلنا من tifa3badi اليوم كانت اول زيارة لمطعم أمريكانو

 

تقييم اليوم وصلنا من tifa3badi اليوم كانت اول زيارة لمطعم أمريكانو برجر ، الزيارة كانت بعد صلاة العشاء مباشرتاً طبعاً لفيت ودرت لين لقيت المطعم ،العنوان اخدتو من الحساب دا خلينا نبدأ بالتقيم، مع العلم انو المشاركه دي اول مشاركة ليا بهذه الصفحه أبدأ بالمواقف اديها 9/10 لإني انا خارج كذا واحد مقفلين عليا من زباين المطعم
نظافة المطعم أديها 7/10
نجي للطلبات :
طلبت وجبتين برجر الدجاج بالجبنة سعر الوجبه 12 ريال لوحاب كاسة بيبسي كبيره تزيد ريال
وطلبت اثنين برجر لحم بالجبنة سعر الواحد سبعة ريال
بالنسبة لخبز البرجر اديه 2/10 والسبب انو باين عليه انو قديم اكتر من يومين ويتقشر وكل ماتمسكو يتقطع الخبز جداً تعبان
اللحم اديه 8/10 كان لا بأس فيه يعني طيب
الدجاج اديه 7/10
البيبسي اديه 10/10 لانو احسن شي شوفتو
البطاطس اديها 5/10 لانها مغرقه بالزيت ومافيها اسم الملح
نظافة الطاولات اديها 4/10 والسبب ان الطاولات كانت مزيته وشي يقلب النفس
معاملة الموظفين 6/10
و المطعم فيه عيب كمان انو مافيه دورات مياه او مغاسل لغسل الايادي
بصفة عامة المطعم مو زي ما توقعتو نهائياً، وطبعاً مستحيل ارجعلو مرة ثانية
اتمنى اني اكون مابالغت بالتقييم ولا نقصت ونرجع نقول لولا اختلاف الأذواق لبارت السلع

 






اترك تعليقاً

لن يتم نشر عنوان بريدك الإلكتروني.