تقييم اليوم وصلنا من ka1t0 f صباح الخير عليك حبيبي و


Warning: Undefined variable $images_gallery in /home/611435.cloudwaysapps.com/kuqjuwqsge/public_html/wp-content/themes/astra-child/functions.php on line 46

تقييم اليوم وصلنا من ka1t0 f صباح الخير عليك حبيبي و

 

تقييم اليوم وصلنا من ka1t0 f صباح الخير عليك حبيبي و على الجميع
أول تقييم لي لمطعم راح يكون عن المطعم اللي أعرفه من أيام الثانوية ❤️ فول و معصوب العباسي اسم أكيد سمعوه كثير من أهل جدة مطعم له اكثر من فرع في أماكن متفرقة من عروس البحر
المطعم هذا في أكلة وحدة كانت السبب الرئيسي اللي خلتني أعشقه وصرت ما آكلها إلا من عنده فول بالبيض و الجبنة ومعروفة بإسم ” المجنونة ”
الصورة التابعة للرقم 1 هذي هي محبوبة الجماهير المجنونة اللي جننتني معاها تقييمها في العادة بالنسبة لي هو ١٠/٢٠ هههههه بس اليوم ما جت ساخنة كالعادة و حسيت إنه طعم الجبنة طاغي على الفول و البيض للأسف 🙁 لذلك تقييمها اليوم هو ١٠/٨
الطبق الثاني و اللي قررت أجربه من عندهم بعد فترة طويلة جداً من تجنبي له عريكة العباسي
الصورة التابعة للرقم ٢ تجنبي لها سابقاً كان في محله طعمها ما كان جيد نهائياً و المعصوب عندهم ألذ بمراحل لكن لازم نجرب هههههه
تقييمي لها هو ١٠/٤
باختصار المطعم جداً رهيب و مجنونته أرهب
أنصحكم تزوروه و تجربوها عندهم ولو لمرة صدقوني حتدمنوا عليها مثل ما أنا أدمنت عليها ❤️ الفرع اللي أكلت فيه موجود عند شبك الهاتف ” STC ” اللي بجانب بنده مدائن الفهد
وفيه فروع ثانية لكن ما أعرف فين بالضبط
تحياتي للجميع و عذراً على الإطالة ❤️

 

الموضوع منقول



انتقل إلى أعلى