تقييم اليوم وصلنا من ishazii مرحبا صبايا و شباب حبيت

تقييم اليوم وصلنا من ishazii مرحبا صبايا و شباب حبيت 1

تقييم اليوم وصلنا من ishazii مرحبا صبايا و شباب حبيت

 

تقييم اليوم وصلنا من ishazii
مرحبا صبايا و شباب
حبيت اشارككم تقييمي لمطعم شبابيك
الموقع : حي الروضه في انا غير مول
كانت وجبة غداء
المكان راقي جدا جدا جدا ديكورات فخمه هاديء ،، مجملاً حبيت المكان من ناحية الفخامه
كنا شخصين ،، فتحت المنيو انصرعت من الاسعار بصراحه مبالغ فيها جدا جدا ،، و بكل امانه كنت افكر اطلع من المكان بس قلت خلاص احنا فيها
و اعتب على وزارة التجاره وحماية المستهلك لازم يشوفوا حل للاسعار المبالغ فيها دي ،، مو معقوله كل تاجر حيفتح مطعم و يتكلف في الديكورات و يحط قائمة اسعار بالطريقه دي مو ذنب المستهلك انك اتكلفت في الديكور
الويترز كانوا لطفاء نوعاً ما
نجي للطلب
صحن حمص صغير وعادي جدا ب ٣٠ ريال
صحن كبه مقليه ٥ حبات على ماافتكر كانت ب ٤٠ ريال
صحن رز ابيض بسمتي ٢٠ ريال مني عارفه ليه
صحن بطاطس مقليه ٢٠ ريال لاتعليق
نجي للمشاوي طبق مشاوي مشكله ب ٩٥ ريال سألت الويتر يكفي لشخصين قلي بصراحه هوا يجي اربعه اسياخ مشكله ،، اربعه اسياخ ب ٩٥ ريال !!!!!!!!!! افتراء دا ولا مو افتراء ؟؟ طيب قلت بلاش صحن مشاوي مشكله نطلب كفته و كباب
صحن الكفته ب ٧٥ و صحن الكباب ب ٧٥
وكل صحن فيه اربعه اسياخ ،، والله حرام البيبسي ب ٢٠ ريال طيب اجيب بيبسي من البقاله ؟؟ المهم الاكل كان جدا عادي و قليل بالنسبه للاسعار المبالغ فيها الفاتوره كانت تقريبا ٣٠٠ ريال وشويا لشخصين
تقييم عام :
المكان والجو العام ٩/١٠ المذاق و الجوده ٦/١٠
النظافه ٨/١٠
الخدمه ٨/١٠
الاسعار ٤/١٠
كان في ضيافه مجانيه مقبلات مخلل وزيتون
يمكن لو رحت تاني اروح اشرب قهوه فقط !! عشان المكان رايق وعجبني
معليش طولت عليكم اتمنى التقييم يعجبكم

 

تقييم اليوم وصلنا من ishazii مرحبا صبايا و شباب حبيت 1


انتقل إلى أعلى