تقييم اليوم وصلنا من صديقة الحساب hajeryaslam مطعم الضيعة – لبناني

تقييم اليوم وصلنا من صديقة الحساب hajeryaslam مطعم الضيعة – لبناني

 

تقييم اليوم وصلنا من صديقة الحساب hajeryaslam
مطعم الضيعة – لبناني / داخل ملاهي الشلال
اللي اعرفه تقدر تدخله من بوابة مطعم هاينان من غير رسوم دخول الشلالالمطعم قيد جيته بداية مافتح وحاطته في بالي لانه جدًا عجبني وابا اخلي اهلي يجربوه واتمنيت يطلع زي ماكان عشان ما اتفشل من كتر مدحي له صحن شاورما ٣٥ ريال
طعمة بس مهي مميزة، الكمية جيدة، لو كانت ساندوتش ومقطع كان افضل اديها ١٠/٨
صحن مشاوي مشكلة ٤٥ ريال
لذيذ ونظيف اديه ١٠/٩
لبنة بالثوم ١٣ ريال
مرة عجبتني طعمة اديها ١٠/١٠
حمص ١٢ ريال
جا سادة مو حاطين فوقه شي الا زيت زيتون احس شكله غلط، وطعمه عادي اديه ١٠/٦
بطاطس مقلي ٩ ريال
كميته مرة كويسة فتوش ١٥ ريال
لذيذة بس الصوص جدًا قليل، اديها ١٠/٨
الحساب ١٢٩ ريال وكان عندي كوبون انترتينر صار ٨٤ ريال
كنا ٤ اشخاص اتوقعنا محا نشبع ونطلب تاني بس مرة عبينا وكان باقي من الاكل حتى امي قالت اول مرة اشبع في مطعم
المطعم جلساته حلوة، والاسعار كويسة وكمية الاكل بالنسبة للاسعار جدًا جيدة والواي فاي عندهم مفتوح ومرة كويس
بس يبغالهم تعديل قوي في الخدمة، محد حولك وغلطوا اغلاط كثير في الحساب يعني رجعته كزا مرة وكل شوية اكتشف غلط، وغير كدا المنيو بالانقلش ودي مخالفة حياكم الله في حسابي للطبخ تابعوني
dhom bagies2015
dhom bagies2015

 

الموضوع منقول



انتقل إلى أعلى