تقييم اليوم وصلنا من حبيب القلب aotorgi وكالعادة يحمسنا للمطعم الي
تقييم اليوم وصلنا من حبيب القلب aotorgi وكالعادة يحمسنا للمطعم الي يقيمو السلام عليكم و رحمة الله وبركاته
وكل عام وانتم بخير وحجاً مبرور وسعياً مشكور
والله يتقبل من كل مسلم صالح اعماله و دعائه يا رب
و جمعه مباركه على امة محمد عليه صلاة وسلام
طبعا وكعادتنا الجمعه يوم السمك لكن انا اتعشيتوا الخميس عشان الجمعه زحمه وجيكم اليوم بزياره مع
حبيب الشعب توينا
طلباتنا كالتالي:
١- مكس قمبري مع الكلاماري في طاجن البشاميل العجيب
طبعا دا الطبق عجيب رهيب ممتع ولزززيز كدا من الاخر تاكل منه الين تقول يا ليل طبعا
٢- سمكايه هامور مقليه
طبعا سيد السفره وما يحتاج قلي وقرمشه وتبهير اه ياناس
٣- كامبوريا تيرامدور ( كبوريا عيون )
هدا شيء بنسبه ليا مقبلات ما قبل الطهمجه شي يساعدك على الانقضاض لما هو امامك من متاااع ، فاتح لشهيه بخلطة توينا السريه
٤- رز صياديه و رز احمر ( بخاري )
لاضافة متعه اكثر لسمك المقلي لكن يومها كان مش ولابد
اجمالي المدفوع ٣١٨ ريال