تقييم اليوم وصلنا من حبيبي وصديقي ورفيق دربي في المدرسه وفي

تقييم اليوم وصلنا من حبيبي وصديقي ورفيق دربي في المدرسه وفي

 

تقييم اليوم وصلنا من حبيبي وصديقي ورفيق دربي في المدرسه وفي كل شي الأنسان الخلوق moa rizq
كل ألي حابين يعرفو عن المطاعم الأمريكية حيلقوها في هاشتاقنا jeddah restaurants أمريكي
السلام عليكم
تقييم مطعم TEXAS ROAD HOUSE
موقعه شارع التحلية في مجموعة مطاعم الشايع
اول ماتدخل يعطيك جهاز يهز اول ما يجي دورك + فاتورة باسمك وعدد الأشخاص ووقت دخول المطعم ووقت الانتظار يقولك من 5 ل10 دقايق لكن انتظرنا دقيقة ونص
لما جلسنا حطلنا صحن عيش حار ولذيذ 10/10 ومعاه صوص للتغميس كأنه فيه قرفة 5/10
بعدها جاب سطلين حديد واحد فيه فول سوداني بالقشر والسطل التاني عشان تحط القشر فيه
طلباتنا
قارورة موية كبيرة ب20 ريال مع كاستين باردة
1 عصير ليمون بالنعناع طازج ب23 ريال 10 /10
1 سفن آب و 1 بيبسي الواحد ب15 ريال
المقبلات كومبو ب 58 ريال 8/10 يحتوي على دجاج بوفالو تختار اذا تبغاه بارد أو حار +برجرين صغار من لحم الباربكيو وكور جبنة لذيذة 10/10 والصوص نوعين رانش مع جبنة زرقاء وباربكيو
سموك هاوس برجر مع بطاطس عليه جبنة وقطع بيكون صغيرة ب 62 ريال 9/10
تشيز برجر مع بطاطس مقلية ب48 ريال 9/10
دجاج مقلي عليه صوص ابيض قريب شوية طعمه من البشاميل وانت تختار طبقين جانبية 7/10 واخترنا بطاطا مشوية 6/10 وبطاطس مهروسة 7/10 ب76 ريال
سمك مقلي تختار 3 أو 4 قطع منها والطبقين الجانبية بطاطا مشوية + خضار طازجة مسلوقة ب59 ريال 8/10
الحلى براوني ب 36 ريال 10/10
المجموع 412 ريال ايجابيات المطعم
كلهم بشوشين عددهم كتير ما انتظرنا وقت طويل للدخول الطلبات الرئيسية وصلت بعد 10 دقايق
سلبيات المطعم
قارورة الموية كبيرة ماعندهم حجم صغير
المطعم جدا ازعاج

 

انتقل إلى أعلى