تقييم اليوم وصلنا من حبيبنا abbasinho جزء من سر النجاح في


Warning: Undefined variable $images_gallery in /home/611435.cloudwaysapps.com/kuqjuwqsge/public_html/wp-content/themes/astra-child/functions.php on line 46

تقييم اليوم وصلنا من حبيبنا abbasinho جزء من سر النجاح في

 

تقييم اليوم وصلنا من حبيبنا abbasinho
جزء من سر النجاح في الحياة
أن تأكل ما تحب
وتترك الطعام يتصارع في الداخل
بافلو وينجز أند رينجز
Buffalo Wings and Rings
حسابهم على الانستغرام
buffalosaudiarabia
عنوانهم
شارع الأمير سلطان – قبل إشارة شارع السلام
أول مرة أزور هذا المطعم المفتتح مؤخراً بمدينة جدة قبل حوالي شهرين من الآن
يقدم المطعم أصناف مختلفة من الطعام و لكنه مختص بالأجنحة و البونلس بالإضافة لتوفر السلطات بأنواعها والبرجر و الحلويات والمشروبات المختلفة
يأتي المطعم امتداداً لفروعه في أمريكا و دبي والأردن و غيرهم
ويُعتبر هذا الفرع هو الأول في السعودية
نجي للمهم الحين واللي هوا تجربتي للمطعم
ورافقني في هذه التجربة زميلي و حبيبي
علي بادبيس
ali badbis
طلباتنا كانت ع النحو التالي
تشيلي تشيز بايتنس : عبارة عن قطع ناجتس محشوة بجبنة الشيدر ،، ويجي معاها صوص رانش ،، لذييييييذة جداً ونوعية الجبنة اللي مستخدمينها رهيبة ،، سعرها 35 ريال
كاساديا الجبنة : خبز تورتيلا محشو بجبنة البارميزان و الشيدر و الموزاريلا ،، جميلة جداً جداً ،، ويجي معاها صوص سور كريم لا يفوتكم ،، سعرهـ 35 ريال
أجنحة دجاج : 8 قطع ،، طلبناها بدرجة حرارة متوسطة ،، وكانت فيها لذعة جميلة و أخذناها بصوص الجارليك بارميزان ،، اللي أعطاهـ نكهة مميزة ،، بس وقتها حسيت إنو الأجنحة ماكانت مطبوخة مزبوط ،، بس يبغالي أطلبها المرة الجاية لمن أزورهم ،، طبعاً تقدر تختار مابين 8 أنواع من الصوص المتوفرة عندهم ،، سعرها 38 ريال
بونلس : 8 قطع دجاج بدون عظم ،، تقدم مع بطاطس ،، لذيييذة جداً جداً ،، طلبنا نوع بصلصة الباربكيو ،، والنوع الثاني بصلصة الكريزي الخاصة فيهم ،، بصراحة طعمها جداً رهييييب ،، وسعرهـ 38 ريال
عندهم صوص حار جداً اسمه
ون مليون
يُقال بأنه الصوص الأكثر حرارة في السعودية
لدرجة إنك إذا طلبته ،، راح يوقعوك على إقرار إن المطعم مو مسؤول عن شيء
طبعاً الطلبات في المطعم تتأخر ،، والسبب في ذلك بأن الأكل غير جاهز ويتم تجهيزهـ في وقته
عشان كذا أنصحكم لمن تروحوا تبدؤوا أكلكم بالمقبلات لأنها تجي بسرعة
ولا تتذمر من تأخر الطلب لأنك ماراح تندم على انتظارك أبداً
تقييمي للمكان
8 من 10
ويستحق زيارة أخرى لتجربة أصناف جديدة
نشوفكم في تقييم ثاني
وأشكركم على المتابعة

 

الموضوع منقول



انتقل إلى أعلى