تقييم اليوم وصلنا من المبدعه ledeyah (( تقييمي لمطعم بياتو ))





تقييم اليوم وصلنا من المبدعه ledeyah (( تقييمي لمطعم بياتو ))

 

تقييم اليوم وصلنا من المبدعه ledeyah (( تقييمي لمطعم بياتو ))
طبعاً ماهي اول زيارة ليا للمطعم بس المرا اللي فاتت ما قيمت المطعم ومادري ايش كان السبب
ندخل في الموضوع –

طلباتنا كانت :-
تشيكن راڤيولي 52 ريال
فيتوتشيني الفريدو مع بروكلي 62 ريال
بيتزا خمسة اجبان 56 ريال
شوربة بصل البياتو 29 ريال
حلويات مشكلة 38 ريال –

:: الضيافة:: واللي كانت عبارة عن سلطة مكونة من خس و شرائح بصل و جرجير و قطع طماطم السلطة جيييييدة و الصوص اللي فيها جييييد –

::تشيكن راڤيولي::
كان بارد + مافييييه ملح وماهو طعم مرا


::فيتوتشيني الفريدو::
المرا اللي فاتت كانت الز الز الز الز بكثيييير من المرا هدي بصراحة ماكانت لزيزة ومافي ملح انصعقنا


::بيتزا خمسة اجبان::
برضو هدي طلبناها في المرا اللي فااتت
وكانت جييييدة مادري ايش اللي صار تغييير الطعم و الجبنة اللي فيها سيئة جداً جانا احباط


:: شوربة بياتو ::
عبارة عن خبر على شكل صحن يدخل في الفرن و الشوربة بصل الشكل يحمس اكتر بكتييير من الطعم نفسو


:: حلويات مشكلة::
الحمدلله دا الشيء الوحيد اللي طعمو زي ماهو لزيز ماعاد التيراميسو –

((اجواء المطعم ))
جييدة من ناحية الطاولات والكراسي رغم انها غير مريحة وفيه مظلات كبيرة بين كل كم طاولة
المكان حيوي الويترز رايحبن جايين فييه حيويية رهيبة تحس بحماس و تستمتع بالاكل والمكان زحمممممة مافي ولا طاولة فاضية واذا قاموا الناس من الطاولة في نفس اللحظة تجي ناس تانية و تستلم الطاولة


((الديكور))
مممم جييد بس احس ديكورهم مناسب يكون لمكان مفتوح مو مغلق !!


((الويترز ))
ما يمديهم يقفوا ثواني من الزحمة بس طول ماهم رايحين وجايين الابتسامة ما تفارق وجههم ☝️ حبيتهم وحبيت حيويتهم >> لــكــن << كان في تأخيير كبيير في تقديم الطعام ---- ---- بس حقيقي حقيقي جاني احباط قوي المطعم لما رحت له المرا اللي فاتت كان اكلهم لزييييز وتقدم بسرعة طبعا تقييمي هدا قارنتو مع تجربتي في المرا اللي فاتت لما رحت لبياتو

 





اترك تعليقاً

لن يتم نشر عنوان بريدك الإلكتروني.

انتقل إلى أعلى