تقييم اليوم مع محل برجر اسمه im hungry اخد المركز التاني

تقييم اليوم مع محل برجر اسمه im hungry اخد المركز التاني 1

تقييم اليوم مع محل برجر اسمه im hungry اخد المركز التاني

 

تقييم اليوم
مع محل برجر اسمه
im hungry
اخد المركز التاني في تصويت جدة فودي لاحسن مطعم برجر في جدة بفرق بسيط عن سكشن بي الحائز على المركز الأول
طبعا لمن شفت الناس كلها تصوت له قررت ازور المطعم و اجرب بنفسي و لقيت المطعم يستاهل سمعته
الطلبات اولا دبل برجر
السعر ١٤ ريال
اللحم طازه يوميا تجيهم لحمه جديده و يفرموها و يتبلوها قدامك (شوف الصور) البرحر سعره ممتاز مع انه صغير واحد ما يشبع اللحمه نظيفه لذيذه الخبز لين صوص ممتاز بس حسيت اللحمه كان يبغاله شويه تتبيله شويه فلفل اسود و ملح
غير كده من البرجر جيد لذيذ مكونات طازجه يستحق التجربه الطلب التاني برجر دجاج
السعر ١٤ ريال
ايضا الدجاج لذيذ مقلي؛ قلي نظيف ما كان فيه صوص لكن من الذ البرجر الدجاج الي دقتها
الطلب التالت البطاطس كرنكل مع جبنه من الاخر ١٠ على ١٠
مميزات المطعم
داخل المطعم (شوف الصور) في ملحمه يجيهم اللحم بلدي طازه كل يوم و يقطعوه و يفرموه و يتبلوه و يستخدموه قدامك
ماشفت عمري حاجه زي كده
اكل طازه جدا شباب سعوديين يشتغلو في المطعم حاجه ممتازه
المكان واسع و كبير و ديكوراته جميله ونظيف – جربت فرع الحمدانية
الأكل لذيذ جدا
سعر مناسب
عيوب المطعم
بعيد عن جدة يوجد فرعيين في اقصى الشمال الشرقي حي الحمدانية و فرع اخر اقصى الجنوب في حي الامير فواز
المكان ممتاز و يستحق التجربه و الى الامام بس عقبال يفتحو فرع في وسط جدة
وسلامتكم
instafood
تقييم جدة فودي

 

تقييم اليوم مع محل برجر اسمه im hungry اخد المركز التاني 1




انتقل إلى أعلى