تقرير اليوم عن مطعم من مطاعم مكه الفخمه والنادرة مطعم

تقرير اليوم عن مطعم من مطاعم مكه الفخمه والنادرة مطعم

 

تقرير اليوم عن مطعم من مطاعم مكه الفخمه والنادرة
مطعم زايكاكي الهندي بمجمع ثروات بوليفارد بالعوالي شارع ابراهيم الجفالي
الديكورات جدا جدا فخمه ورايقه
المطعم مرا زحمه
جلسنا تقريبا ساعه بالإنتظار ع بال مافضيت طاوله
زحمتو نفس زحمة كوركان شيف
المطعم دورين
الدور الأرضي للعائلات فيه عشر طاولات
سته طاولات بدون بارتيشن
واربعه ببارتيشن
الدور الثاني خاص بالشنبات
الموظفين قمة الأخلاق وحريصين جدا ع رضا العميل
النظافه مايحتاج أحكي واضح من الصور ✨✨✨
فيه دورات مياه وانتوا بكرامه وعادي يدخلوا الأطفال
نجي لتقييم ومستوى الأكل /
طلباتنا كانت :
لحم ضأن طازج الصوصات إختياريه أختار معاه أبو البنات صوص بونا جوشت
الطبق جدا جدا جدا لذيذ
ب 75 ريال
طلبنا كمانا
جمبري الصوص كمانا اختياري اخترت معاه صوص تيكا ماسالا سبايسي
الطبق مرا يمي بس سبايسي مو زياده اللي بعدو
ب 85 ريال
طلبنا كمانا سمك هامور الصوص اختياري أخترت صوص الكاري سبايسي
أممممم لذيذ بس ماحسيتو شئ واو
ب 85 ريال
طلبنا كمانا
برياني ساده مرا لذيذ مليان كاجو والبهارات والملح نكهتهم واضحه
ب 40 ريال
طلبنا كمانا
برياني خضار لذيذ بس الساده الذ منو
كان ب 55 ريال
طلبنا مصقعه كمانا ماجربتها للأمانه خلصها أبو البنات
كانت ب ٥٥ ريال
وصحنين سلطة لبن خيار م ادري بكام
طلبنا كمانا ٤ نآن بالزبده الواحد ب ٧ ريال
المشروبات
٤ بيبسي ب ٤٠ ريال
وواحد ليمون نعناع ب ٢٥
مع الضريبه كانت الفاتوره ٥١٧ ريال
الطعم بشكل عام مرا يمي وللأمانه يعتبر المركز الأول بين المطاعم الهنديه بمكه
الأسعار مرا أوفر مع كمية الأكل
توقعت طلبنا كثير
بس الكميه مرا لا
يعني ٥١٧ ريال وخرجنا مو مرا شبعانين
بالنسبه ليا أكرر الزياره بس لوحدي
للعوائل الكبيره ماينفع للأمانه لأنو السعر أوفر وكمية الأكل ولا شئ
كل اللي طلبنا يكفي شخصين تقريبا
الخدمه جميله سريعين مرا بس مشكلتهم يجيبوا الأطباق ع دفعات
والإضاءه للتصوير مرا سيئه
المطعم لو فرع بالرياض
وفرع بجده
والثالث بمكه ❤️
مطاعم العوالي ثروات بوليفارد
تغطيات فطوم للمطاعم الهنديه

 

Leave your vote

Log In

Forgot password?

Forgot password?

Enter your account data and we will send you a link to reset your password.

Your password reset link appears to be invalid or expired.

Log in

Privacy Policy

Add to Collection

No Collections

Here you'll find all collections you've created before.

انتقل إلى أعلى